雙十一

記得上年11月11日, 開始了我跑步的第一天; 當天跑了兩個圈, 行左一個圈; 已經覺得算唔錯, 因為我知道自己跑步好差勁, 自細跟朋友跑, 一起步唔夠100米已經胃抽筋, 估唔到回望一年後的今天, 我堅持到每星期都跑步, 最近還加到15圈以上 ...

一直努力堅持, 係我曾經同自己講過到某個年齡, 要持之以恆做運動, 因為我唔想太多病痛跟著我 (我本身體質差) ,以前曾經玩了一年跆拳,身體真的好了很多, 那年都沒有看醫生, 所以我相信運動對身體是好 。

但當年紀大, 機械壞時, 唔保養, 再加上常用工作忙碌為藉口, 以前join 健身室, 比一年費用, 最後一個月都去唔到一次, 超肉痛; 所以發現跑步唔駛錢, 又可以自己控制時間, 仲邊有藉口躲懶 ; 最重要我係想參加明年初馬拉松挑戰自己 !

缲了一年, 我相信10公里是可以應付..... 但個天竟然要玩我 , 報名名額已滿; 係lee 幾日真係好唔開心, 亦停了一星期沒有再跑, 突然沒有了目標, 成個人頹哂 !

但今天我又醒起,自己曾許下諾言, 要保養自己, 為健康, 我又去了跑步, 沒了目標, 跑起黎亦沒有了耐力; 不停數著何時可停; 今天只跑了十個圈 ! 與之前計劃十一月份要跑到廿十個圈, 距離還差一半 ~