數碼港美酒節@20091025

紅酒係我同老公o既致愛！

見數碼港搞o左個美酒節，加上我同老公都未去過，所以就去行一轉喇！

我o地先搭車去金鐘海富！

食完個lunch，跟住就搭免費車入數碼港喇！

搭車之前仲買o左個麥當當朱古力批添！

搭o左3個幾個字倒啦，就到o左lu！

呢度都無街行o既，如果o係度返工實悶死我o姐！

入到數碼港商場，就有指示lu！

仲有第一屆美酒天使選舉！

但係聽日先舉行，所以無緣見到所謂o既美酒天使！

佢仲搞o左個品酒講座呢！

大家估o下呢個檔係賣邊度o既酒？

之唔係香港製造o既紅酒囉！

不過我同老公都無買到，因為覺得唔係咁好飲！

跟住到4點開始有個拍賣會！

我同老公都有份參予嫁！

因為佢拍賣我o地o係會場試過而又想買o既法國玫瑰酒！

呢個拍賣會全部收益係捐出黎做善事o既！

我o地係以原價45折投得心頭好呢！

真係好抵，仲抵過o係會場以優惠價買呢！

跟住仲買o左3枝意大利紅酒！

O係會場最特別係試o左希臘同德國紅酒！

希臘酒真係同法國、意大利o既唔同！

而德國酒係勁甜，唔係我同老公杯茶呢！

買完晒o野就o係附近行一陣，睇o下數碼港係點！

今日真係好滿足，有得玩，仲可以以心水價投得美酒！

消費滿$300仲有個魔鬼紅酒套送添！

好期待下個星期o既美酒佳餚年呢！