相公生日 - 第一回

上次佢為我準備了一份厚禮, 我亦要為佢生日籌謀一下.

呢個係第一個我以太太身份為相公慶祝生日, 上次提過會做個花束比佢, 我當然會履行諾言啦, 我已經諗好了做咩顏色花束喇.

正日的前一天, 我又走到去花墟買花, 行左一個圈, 見倒啲花個樣都唔多新鮮, 檔檔啲花都好似缺水咁, 難度係天氣乾燥嘛?? 我亦搵唔倒我想要既小牡丹, 有小牡丹既檔口既花都唔係好靚, 所以改左用玫瑰. 又唔見有小綠繡球, 結果用左大大扎好抵買既青梗桔. 由於無我原來想要既花, 因此都花多左時間係花墟, 回到家三點半還未吃午飯, 到我開始動手時, 已經是四點半.

我打算比個意外驚喜佢, 等佢入門口既時候, 即刻獻上....

點知就係我遲左返唻, 佢又早左放工, 五點半放左工, 佢自己開門入屋, 哈哈, 反而係佢比驚喜我至真.

本身都諗住叫佢買啲蝦蟹返唻, 實行海鮮餐, 正日想同佢食西餐.

佢見倒我一片混亂, 睇我個樣都仲有一個鐘先完成, 我就無煮呢晚既晚飯囉, 呵呵呵~

七點半執埋野先埋手, 完成~

禮物第一擊!!

送給相公既第一個花束, 哈哈哈!

送比佢個刻, 佢個樣好似仲無我咁開心喎, 睇唻似乎係我氹自己多過氹佢呀~

呢晚去左一間小廚食飯, 但意外既咁好食同埋好平好抵食呀~~!!