Honey Moon 沙巴 Day 2

Day 2    6/7/2009

相公就叫醒我, 其實當時仲好眼瞓, 我好想再瞓多一陣~  原來個刻只係7點鐘, 我地晨咁早起左身, 梗係慢慢嘆返個早餐喇.

食飽飽後, 當然就參觀下個resort 先....

Wow, 個樓底好高呀~~~~~~ 就係靠佢同d風扇保持空氣流通架啦, 係度真係好涼快!

昨晚唻到時, 黑漆漆一片, 原來係對住個沙灘呀~~~~~~~~~~!!

走到酒店既另一邊, 今日落梗雨, 所以走唔倒外面行行及影相...

酒店內有個地方可以睇猩猩架~

酒店其中一間餐廳

仲有遊戲玩架~!!

一個大大既沙灘排球場, 攪錯攪錯, 係二大個先岩~

小遊完酒店, 我地要出發到市內觀光啦~

呢度就係沙巴基金大廈, 大約只有三十多層, 哈哈, 係度望落都叫好高架啦~ 相對香港既住宅, 當然就係小型建築物囉~

水上清真寺, 同我今日D衫既色好襯呀, 呵呵~

參觀完後, 我地就去左手信店, 就係榴槤朱古力店, 本人唔鍾意食榴槤, 所以一食就覺得好難食, 好甜~ 我相公都唔好, 因此我地無買呢種朱古力返唻!  我地買左咖啡朱古力, 覺得好好味呢~

之後, 我地係隔離食左個午餐. 個器皿好靚呀, 係用唻裝白飯架!

飯後, 大家都爭住要品嚐榴槤雪條, 相公都無揀, 要左大樹菠蘿. 我都試左啖, 但覺得唔好食呢....(我本人又唔愛菠蘿)! 相公都話麻麻地~ 一條雪條RM1.5 (HKD3.6) !

(原來香港都有呢種雪條賣, 仲要平過係沙巴食添, 呵!)

下午時間係自費活動項目, 我地就揀選左紅樹林遊船河沿涂觀賞長鼻猴! 經過1個小時45分鐘車程, 我地就到達上船地點啦~

據導遊講, 呢度有鱷魚架~!!

遊船河既大船, 有茶點招待我地, 夜晚都會係船上食埋野架~

上到上層....

開船睇長鼻猴啦~~~~~~~ 佢地係樹上架!! 見唔見倒呀?

長鼻猴會係黃昏時段出現, 因為佢地怕晒架. 用內眼睇,睇左好耐都搵唔倒佢地, 船同樹都相隔一段距離. 終於見倒佢地出末啦~ 但只係遠遠處望到佢既影子, 仲要被樹枝及樹葉遮擋住!

仲以為無收獲而回添...

越近天黑, 就越見得越多....但都係睇唔倒佢個樣, 都係靠新買個部相機充當著望遠鏡功能先可以見倒佢地盧山真面目~

天色開始轉黑了...

開餐啦, 呢刻望住對面D小船, 無得係船上晚餐, 覺得自己好享受添, 呵!~

食完晚餐後, 全船都會關燈, 準備睇瑩光蟲啦~~~~~!!

哈哈, 令大家失望, 太黑影唔倒, 唔黑又睇唔倒, 真係好多黃色閃閃閃架, 大家話係咪有人在後面控制梗架...哈哈哈~  有好多棵聖誕樹係度囉~ 見倒佢地飛近埋唻船邊, 大家都好興奮呀, 有個船友捉到佢呀, 我地都借左唻睇, 真係好好好細隻~

閏五月十四既月光

今晚既旅程完結了, 我地再坐返2個小時既車程回酒店, 車程頗久, 於是我係車子裡面躺下來看月光, 都好爽架! 返到去都十點幾囉~