20090621 父親節晚上炒賓記

忍無可忍，終於响噚晚"漏"夜炒咗阿賓。

煮o野唔好食，煮到d菜黃晒、d魚有鱗唔緊要，我教佢煮，但係佢話我煮o既菜係"half-made only", according to Phillipine standard!

抺o野唔乾淨唔緊要，最多再抺過，叫佢再抺完，3日後我發現仲有漬(係一大pat，唔係一點點咁少)，問佢，但佢話抺得唔乾淨係因為我隔咗幾日先發覺有d位未抺，而家先o黎話佢聽，係我o既錯。我終於明白「本末倒置」係不適用於菲國公民o既！

叫佢"show me the way to the market"，等佢第日唔使迷路，佢就"show me the way to the supermarket"，佢想我知道我o地港燦不知天高地厚，一間小小超市唔應該話自己係super，响佢Saudi Arabian standard，只係一間小小market！

佢行錯路去supermarket唔緊要，最多行番轉頭，佢就指住條天橋叫我行shortcut，我問佢"Are you crazy?  You ask a pregnant woman to climb up the staircase?"  佢話佢自己一個人會行天橋，可能佢唔當我係人！

(係噃，好在高C運動家提我，我應該好似攀石咁爬上條天橋

然後响對面馬路Abseil番落o黎!!!)

抺o野叫佢落a little bit清潔劑，人體吸入太多唔係咁好，佢話佢只係落咗just a little bit，但我就見佢落到成盤水都係泡，嚟咗6日支洗潔精唔見咗一半(1,000ml/2=500ml)，神公都話見到洗碗盤d泡多到會飄番出嚟，佢就話响Saudi Arabian 係咁，人地會用條大水喉噴番走d泡，佢可能想我見識多d別國風情，唔好再做大鄉里！

切完蒜頭叫佢放落隻碗度，佢攞隻碟出嚟，話呢隻係bowl-like plate。佢抺完間房天花棧燈，放錯咗個燈罩位，攪到頂住開唔到衣櫃門，我問佢佢就話佢無掂過個棧燈，因為佢只係掂過個燈罩。可能佢又想訓練o下我o既英語詞彙！

佢之前已經比我省鑊金，我嚴重警告佢，問佢係咪想家想得厲害，再唔聽我講完野佢就講野，再駁咀就早d返鄉下，响我地頭要聽我講野，要跟我方法做，唔好再同我講乜野Phillipine standard, Saudi Arabian standard，呢度係香港，要argue就返鄉下呀飽佢！

我都知佢比左大筆錢先可以黎香港，炒佢佢會好慘，所以都想比多d機會佢，睇多幾日，但係就連神公咁冷靜既人都話唔可以接受，知道佢無得救，做左咁多年都係咁做，無人"差輪廚"佢既做野方法，而家先叫佢改真係唔係太容易。我靜心再考慮清楚，佢第日要揍神童，如果佢用自己Phillipine standard去清潔神童pat pat，用Saudi Arabian standard去餵奶，咁我神童仲唔快高(糟糕)長大(大鑊)？

而且佢响"Master"面前就扮馴良，响"Madam"面前就好吋，佢唔知香港地唔同佢o地鄉下，佢僱主係呀Madam唔係呀Master，呀Madam亦唔係善男信女，唔係第一日出黎行！炒佢都係明智決定！