今日追星 の 于素秋 → 鍾嘉欣

追星

呢日係三日假期中 の休息日，起身落街食野後去咗豐澤逛逛，爸B話見到疑似鍾嘉欣走嚟同我講，我和 MiMi 上前睇，咿.. 真係嘉嘉，跟住我叫 MiMi 自己去同嘉嘉打招呼 (因為 MiMi 鍾意嘉嘉)，但係佢唔敢自己去...所以硬要拉住我同佢去睇嘉嘉...

媽咪：我唔去喇

MiMi：去啦...同我一齊去啦~ (拖住我手)

媽咪：咿...你去啦...大人唔去架..咁核突，乖啦..你自己去同佢 hello 啦~

MiMi：都唔係核突既...去啦.....(又要細膽但又想去)

媽咪：唔去喇...您再唔去人地走喇....

跟住佢買完野真係走，MiMi 就捉住我好似狗仔隊咁...跟住行~ 好核突呀.....但又冇佢辦法，見到嘉嘉衝來衝去...去一去"中原電器"又出嚟再去"山崎麵包"，跟住又去咗"國美"，點好呢...MiMi 我想走了...不如返屋企吧!! MiMi 心心不憤扁咀想喊...(點好呢?)

突然嘉嘉又衝咗出嚟去咗"一粥麵"睇咗兩眼 (我地一直在扶手電梯附近...因為我想走嘛)...跟住佢都上扶手梯返屋企，我硬著頭皮鼓起勇氣開口問啦 (當時拖住 MiMi 覺得佢好開心)

媽咪對著嘉嘉說：妳可唔可以同佢影張相呀?? 佢好想同你影相呀??

嘉嘉不好意思地說：(尷尷尬尬咁講) 唔好意思呀...我今日唔影相架 (其實佢因為帶晒 cap帽又冇化妝...臉上仲有啲暗瘡...根本都唔想比人認得...明白晒喇~)

見到佢咁尷尬...我都冇嬲佢 (因為佢唔似係擺架子)，跟住就同 MiMi 互相揮手臉帶微笑講 bye bye~

媽咪：嘉嘉唔同您影相喇....因為您都冇叫佢 (整蠱佢咁講)

MiMi：吓~~ 點解呀??

媽咪：因為姐姐冇化妝嘛~

MiMi：仲咩冇化妝唔影相架??

媽咪：咁姐姐係明星嚟嘛 (可能佢唔太明...但我都係要咁答)，又冇化靚靚妝...臉上又有暗瘡...影相唔靚呀~ 明唔明 ??

MiMi 雖然好似唔係好明，但係嘉嘉同佢笑住揮手bye bye後，佢又冇唔開心喎...好似幾滿意咁~ 算啦...亞媽幾拾歲硬著頭皮幫您開晒口喇，timing 唔啱都冇計...下次再撞到佢...佢狀態又好 (有化妝) 先影相啦!!