三豬遊黃金

早前打算同好朋友Anita一家去BBQ嘅。我同Anita兩隻嘢諗住有佢嫂嫂係度，可以幫手睇住班細路，我哋倆個可以舒服少少啦。   點知佢嫂嫂最近整親隻手唔去得。噢! 結果要取消  lu 。祝佢嫂嫂隻手早日康復啦!

25/10日我哋改咗去黃金海岸半日遊。回味下三隻小豬三年幾前遊過嘅海豚廣場。

三隻豬仔見面之後攬頭攬頸，好似好耐無見咁。其實對上一次見面只不過係中秋之嗎。

唔駛10分鐘，三隻小豬玩到成頭濕哂。走到海豚廣場，三隻小豬失哂控咁走嚟走去，你追我逐。見佢哋走得咁開心，我同Anita都係個心到笑出嚟。 唉! 香港地依家真係無乜空間可以比D細路走嚟走去嫁喇!

班豬仔走到攰哂，我哋行去路天市場睇吓D得意嘢先。點知一入去就見到有檔買陶瓷擺設嘅檔攤，擺滿各式各樣嘅陶瓷公仔，其中令我眼前一亮嘅就係呢幾款青蛙，我立刻諗起blog友華姐，如果佢重未見過呢d青蛙，唔知佢會唔會一次過買哂番屋企呢?

行到差唔多天黑喇! 見附近無乜嘢好食，都係決定番屋企附近間壽司舖食壽司，佢嗰度d三文魚壽司大大件，都幾低食嫁。

飯後，我對仔女話要邀請聰聰番我哋屋企打遊戲機。見佢哋咁難捨難離，真係充心祝佢哋友誼永固。