姊妹相認

上次講到24/10嗰日，我掉低老公同仔女，一支婆走去同班姊妹Sister Lam，華姐，小青蛙同埋Abbey到荃灣個間尚賓樓打邊爐。

樓

小青蛙係第一個到，之後係我同Sister Lam，華姐同Abbey有事做，所以最後先到。

點了火鍋料之後，最緊張時刻到喇。就係大家交換見面禮啊!

Sister Lam 做了一個"南瓜頭哈老喂" 送比我同Abbey。Abbey比咗一盒女人嘅補物"紅棗桂圓茶"送比我。而我預備咗成個多月嘅青蛙禮物終於可以交比小青蛙同華姐啦。我就做咗一個甲蟲吊飾送比Sister Lam，至於Abbey我就預備咗一籃麵包送比佢。由於我手工粗糙，希望Sister Lam 同Abbey唔好介意播。(弊! 我唔記得同我送出去D禮物影相添，唯有影張禮物大合照算啦。)

有嘢食啦! 有嘢食啦! 我哋成班姊妹舉杯補祝小青蛙生日快樂(認識小青蛙嘅朋友，她是23/10生日呀，唔好唔記得呀!) 小青蛙從袋中攞出寶物、嘩! 原來係世伯整嘅極品XO醬，好味! 好味! 哈哈! 下次小青蛙你唔該每人派一樽就得嫁喇。

小青蛙無介紹錯喎，D嘢食都好新鮮，我最鐘意D魚皮"趣卜卜"。我哋叫咗個鴛鴦湯底(清湯&沙嗲)，不過個沙嗲湯底唔係好得，一D都無沙嗲味，唔知係酒樓比錯定係佢個味係咁，有機會再試吓先。

我哋邊講邊食，時間就一分一秒咁過，轉眼間已差不多十點鐘lu。係時候做今晚戲"玉"喇! 登!登!登登! "魔鬼蛋糕"。班姊妹仲叫餅店畫咗隻青蛙係度添，幾cute呀!

神秘的小青蛙（借用Sister Lam 相片）

左上: 華姐、小青蛙

左下: Abbey，我、Sister Lam（借用Sister Lam 的相片）

Sister Lam 係我blog嘅第一個blog 友

大家合照後，小青蛙便做了一個切餅儀式。我最鐘意就係古古力慕士蛋糕嫁喇，Yummy! Yummy!

飲飽食醉，係時後各位太太都要交人囉喂!

希望好快又同各位姊妹見面啦!

Remarks: 等我有時間再同我嘅禮物影番D相再post出嚟先。