網誌分類：相聚一刻 |
計計先! 自從仔女出世後，每日相夫教子(寫完呢句都有D想嘔)，差不多六個年頭沒有一支婆出嚟威喇! 所以，噚晚終於忍唔住喇，要出嚟同你哋班姊妹見吓面，食下嘢先得喇。
臨出門口前，老公就不停咁問我: 帶相機未呀? check 吓相機有冇電喎?相機夠唔夠Ram呀(因之前影落好多相仲未copy落部腦到)等等，見佢仲緊張過我。當我換好衫，囝囝囡囡就覺得好出奇喎，點解媽咪換好衫咁耐，都唔見叫佢哋換衫嘅??????
於是，哥哥就問喇: 媽咪!你去邊呀?
我 : 我同D亞姨去街囉!
哥哥 : 咁你唔著靚D? (樹關上星期六我哋全家有飲宴，佢見我難得著裙嗎!)
我 : 咁而家唔靚咩? 
哥哥 : 咁你隻眼又唔油顏色嘅? (佢指係化妝)
我 : 得 ga la。
妹妹 : 我都要去。
我 : 下次先帶埋你去啦，今次無小朋友呀! 
妹妹立刻扁哂咀好唔開心。
我安慰咗佢一陣，佢就開心番dd。
當我出門口時，哥哥同妹妹又拉住我講媽咪 byebye 啦! 唔好去咁夜呀! 你要應承我早d番嚟呀! 媽咪你係唔係出九龍呀! 搭西鐵定搭巴士呀?..............等等。終於係門口企咗成十分多鐘先真係走得。
待續!
華姐 2009-10-30 23:54
咪嚤2009-10-31 07:58
無法啦! D細路又細，佢自己唔識照顧自己，老公又唔係好識照顧佢哋。就係咁咪一路都無自己出街。
唔係呃! 我見你都好鍾意一家人去街街"格"。而家你個囝囝大嗎，不駛人點認真照顧嗎，你倆公婆咪可以撐吓檯腳，四圍去玩囉! 真羨慕!
鳴嗚~~~! 我仲有排捱啦!
fanny 2009-10-26 23:19
咪嚤2009-10-27 01:04
係呀! 但總係過唔到自己個關，成日就係唔放心囉。因試過幾次週末一早出去學嘢，番到屋企見到d細路蓬頭垢面，D衫又前後掉轉著老公都唔知.........等等。真係好擔心嫁!
亞比 (Abbey) 2009-10-26 12:39
咪嚤2009-10-26 20:22
噢! 點解又多咗個傻老婆嫁???????????
唔係我嚇親你嗎???????????
你講帶壞我係咪驚食窮我個老公呀!
嗰晚真係好開心認識到你哋。
Sister Lam 2009-10-26 09:56
果晚好唔好玩呀？
有咗第一次，就會有第二次、第三次～～～～～
驚你老公第日話我地帶壞妳,有屋企又唔番、有仔女又唔理呀!
咪嚤2009-10-26 20:09
好玩! 好玩! 由其係小青蛙講佢同妹仔咀D生日野，真係笑鬼屎!
唔怕! 唔怕! 只要遇啱係星期六就得 ga la，其實唔係老公會阻止，係我唔放心比佢同佢屋企人看咋。