中上環半日遊

上上個禮拜日男友話從來未去過中環的嚤囉街,想去行下!甘又係我地兩個真係好少行中上環呢個地方,所以我地真係去7仔買咗張地圖,然後由西環行路落中環,實行自由行!

首先在尖沙咀食咗個好味的雞肉卡巴當午餐,好好味,又不太HEAVY,好正!跟住先有氣力出征!!

首站西港城

西港城內裡裝修得古色古香,可惜只係賣布匹,所以人流稀少

這是甚麼?咪係西港城女廁門口的裝飾囉

而這是女廁門啦,因為要走三,四層樓梯才到類似閣樓的女廁,所以剛見此門也不知是廁所!!

由西港城後面街向上走,就可以到達嚤囉街啦,男友很喜歡懷舊的東西,所以此處逗留了最多時間

古老大箱

舊式門鎖,很漂亮

新舊建築物匯在一起,很有特色

行到攰攰地,突然見到一班師奶阿姐好開心甘衝進一間店舖,甘我咪好奇望下囉,原來係前港督彭定康幫襯過的一家餅店,剛好港督食過的蛋TART出爐,所以師奶都甘興奮,甘我梗係唔會放過啦,一於又試下,買咗個原味給男友,一個蛋白給自己,不過味道都係甘,而且好貴,兩價錢個可以係出面餅店買五個啦!冇解,香港人羊群效應,我都係,哈哈...

當日成三十度,行到我大汗疊細汗,諗住揾間COFFEE SHOP坐下,點知好多PACIFIC COFFEE都坐滿人,結果走去杏花樓,叫咗杯芝麻冰,入面仲有三粒芒果雪米滋,簡直涼透心!

嘆完冷氣啦,最後去到蘭桂坊,不過我不落酒吧,所以只是隨便行個圈就完成今次自由行啦!

雖然舊古董係好值得回味,不過其實用那麼舊的東西也有點兒恐怖,因不知牠上一個主人是甚麼人?!不過男友當天也買了兩個銅獅子,說要放在公司,看吧,他就是喜歡懷舊的東西!