好事定壞事?

見太耐冇更新搵d野打下先,今次就講下足球la,對我黎講最近球壇有2件大事發生,先講第一件,係關於本地足球的

如果有留意本地足球既球迷,都應該知18/11係亞洲盃外圍賽~香港主場對日本,但問題出現在比賽時間,竟然係18:30開賽,為遷就人地電視台直播,而將比賽推前到六點半打....咩唔係香港主場咩??竟然要就人地....真係荒謬,香港大部份人都係一個朝九晚六既打工仔,當你準時六點放工,最多得銅鑼灣同灣仔既人可以準時入場支持下,其他地區既打工仔去到都錯過左部份賽事la唔通要人請假去睇咩....真係唔知足總諗咩,難為足總開頭重夠膽死賣一舊水門票....

老實講我真係好想睇呢場波,但我計過調返早都趕唔到入場睇,今年年初我已經好期待呢場比賽架la,更難得既係日本重要強陣黎港,中村俊輔,稻本潤一重有近期我最想睇既本田圭佑都有隨隊,足總你竟然咁玩野真係火都黎ar!!!!!!!

講完一件又講下另一件先,其實呢件又唔算球壇新聞,但都算同足球有關既,就係香港終於有西甲睇la,大家等左2,3個月都有la,西甲播映權終於有定案,今日睇報紙now tv奪得3季西甲播映權,但正所謂有得必有失,失去既咪英超播映權lor......我呢個now用戶真係唔知係開心定傷心好,已經冇世界盃冇歐聯,歐霸,英超都冇埋對我黎講我係鍾意睇西甲多d,技術性既踢法,組織,而且重有多位世界級球星,但係佢既比賽時間大多數係深夜3,4點先打(大戰就一定添la)一樣比咁多錢,但要深夜睇波.....雖然我都想睇英超(時間吸引,重有我愛隊阿仙奴)而家咁既局面真係令我有d煩惱,究竟重續唔續約好呢?相信不少用戶都有呢個煩惱....唯今之計就係睇左呢大半季先算la,呢大半季總算有英超同西甲睇ma~到時西甲真係好睇先壓佢價續約la......