網誌分類：シャシン |
圖片
網誌日期：2009-11-03 05:01
最近小弟實在很忙，原本11月份就已經忙得要死，突如其來的一個order就簡直要了我的命 (沒有那麼誇張吧！)。因為之前為書展做的poster得人垂青，所以這次小弟被點名要製作某一部門的poster。不過，其實在做這個之前就一直很想去拍照的說，所以這次都是所謂的「搭單」拍的，沒所謂啦！反正拍照就好了！
這次有幸請了shineland的忠實fans小星來幫忙，真的十分十分十分感謝她！好感動啊！她真的很好，跟她第一次合作，很愉快！
要她千里迢迢由青衣來南生圍，真不好意思！幸好當日天氣好得不得了，沒有浪費當日的辛勞。
一到步我們就爬上樹玩了！
總覺得這樣的pose好像Amerian next top model……
我還是很喜歡一大片的草原，這張小星說很有cd cover feel喎~~~
這個……奇怪地有點Lily Lily Chow的感覺。
既然要有cover，那怎麼說也要有個封底吧。
之後來到廁所位拍一拍，地上的枯草跟衣服很相襯！
玩左咁耐，係時候要做正經野，要影poster喇！哩張田雞話好anna sue呀。
來！嚟個女王look先！小星好有女王feel呀~~~~！
講起上嚟當日又係有啲百人大隊嚟影model，好似上次同kathy & ching影一樣，一大班師兄約左兩個女model影咁囉。咁當然啦，見到小星咁pro.佢地又問可唔可以影返張。
好似我地出在去廁所位對出塊大石度影咁丫，佢地就好似好想影小星。
咁小星又坐又瞓，人地嗰啲都未必咁搏？(我聽佢地講咋)定係我地多道具佢地無呀？唔知喇，不過呢，小星唔係好想佢地影囉。
我都唔敢叫小星瞓太耐，真係怕啲人偷影就唔好……所以最後哩張就成了我的交貨相喇。
之後我地諗住避下人，去左爛屋樓下啦，點知我地唔影就無人影，一有人影有啲人就喺出面睇，講真，你地都有model影，做咩睇我地影呢？
影完，我地去左隔離個爛屋，上面啲布條好有趣呀！好有萬聖節feel！
個方型窗仲啱啱好可以上去坐添~~！
哩張好花仙子呀！不過囉，當我地影嘅時候，真係有人偷影小星，小星同佢地講左聲唔好…唉~~~~點解會咁呢？
之後天已經開始黑，我地打算影多幾張就走人。
好彩臨落山之前都影左好多好相片，真係太好！
小星真係一個好好的model呀！希望下次有機會再玩過！仲有好多謝田雞嚟幫手！好好玩的一day！
後記：
1. 小星好pro.，果然係玩開cosplay！
2. 當日天氣好到想跳海！
3. 怕左啲百人大隊，講真，偷影左幾次，臨尾去渡頭影又係咁，仲要叫佢唔好仲講左啲令人唔係咁舒服的說話。
4. 龜二病左…醫藥費好貴……唉！窮到要絕食！
F1010007 複製.jpg
F1010006 複製.jpg
F1010004 複製.jpg
金莎 2009-11-06 02:14
好喜歡這一張，真的讓我想起all about lily chou chou的海報~~~!!
道具做得好美呀, 自己做的嗎???
aallah2009-11-06 12:34
多謝讚賞。果然大家也想起all about lily lily chow，那真的太抬舉了。
道具都是自己造的，所以每次影親相都拎好多野。
日日映相 2009-11-04 18:41
aallah2009-11-04 19:01
Lily Lily Chow是我最最喜歡的一套電影！看完之後我不斷地收藏它的東西：poster, flyer, vcd, dvd, ost, novel etc. (全都是日本版)因為太喜歡，所以多多少少受了這電影的影響。
看不明白嗎？其實是簡單得不能再簡單的戲。每次想起Lily Lily Chow，心裡都有點起伏。
hakee+ 2009-11-04 11:54
當天我也有在南生圍拍照,也認得小姐的紙蝴蝶
我喜歡第10張 : )
回應少少"偷影"的問題,其實相信路人不是去"偷影",只是覺得這位小姐加上環境很美,所以也想拍下,第一批人有詢問你才拍,這是正確的做法~
至於其他人,其實也只是欣賞,不是侵犯的意思,希望這位小姐別太介意
話說在先頭,我不是其中的一個,我只是拍景而已~
aallah2009-11-04 12:29
啊~~~~原來你當日也有去拍照啊！真巧呢！那天拍了許多好照片吧。
嗯~~我明白原意是出於欣賞，之前也有如此經驗，但如果開口問的話會比較好吧，始終還是需要徵求一下別人的意見，看看人家是否願意。好像之前跟其他model去也有試過這樣，別人問我，我都會先徵求model同意，如果她們不介意我就沒所謂了。不過這近乎是每一次跟女model拍照也遇到的問題，其實也頗困擾的。當然，如果model拒絕了，不想別人這樣拍自己，最好還是別再拍，有些試過說了難聽的說話，這樣就不太好了。
多謝你讚賞，以後多交流吧，你好像是用nikon的，對吧？
GarY 2009-11-04 04:08
哈囉～我搬家到pixnet了，歡迎來看看↓↓↓↓↓↓
..................................................................................................歡歡公主
jimmy 2009-11-04 02:23
嗯~好有心思呀,仲帶埋D紙蝴蝶去,
我鍾意女王(BACKGROUND播番首"歌舞伎町の女王",HE~)
花仙子,同大石果幾張(D POST同表情都好好喎)
咁田雞有冇自己影番幾張呀...
P.S. D人咁衰話唔好佢哋都影架!佢哋D model好唔得呀?
龜二???
早前買咗本"荒木經惟"既"寫真的話"幾好睇...
你有冇留意吓佢D作品架?
aallah2009-11-04 10:35
係呀，咁張poster本身要有蝴蝶，買唔到唯有自己剪啦。
田雞我都係影得幾張咋~~(其中一張都借用左嚟做poster) 當日田雞好幫得我手呀，唔係佢就要花好多時間先影到喇。
係呀，有啲人真係好"那個"。我都唔知佢地咩心態，我有啲一樣係影人像的朋友都話，有啲人就係咁，自己有又唔影，影人地嗰個，唔知想點？我唔知人地啲model得唔得，我都唔理人地嘅，我有我自己影，理得人地點啫。
龜二係我家中的一隻龜。
荒木本「寫真的話」我有，我有睇開佢啲野，佢啲野我都ok buy架！
ostar 2009-11-03 09:45
有風吹到髮絲飄飄吓。
超級中意呢兩張，可惜yahoo blog 唔似facebook 咁可以逐張相讚好啦。
aallah2009-11-03 10:10
特登等啲風到先影，唔係張相會好悶。哩兩張我都好鍾意，因為個天夠藍，啲草夠綠。^^