1億五千萬的彩池

煲呔授權內侍總管, 開出民間彩池: 1憶5千萬

如果將一憶五千萬用來分給全港市民, 每人都應該有個茶餐食下, 雖然無澳門咁so, 但起碼都叫有野落下肚

假若每個人都係食西多士, 咁就有成七百幾十萬塊方包, 唔分畀港人而拿去賑災, 照計都可以令非洲饑民少挨餓一個月, 又或者用黎起希望小學, 9-10萬一間, 都應該起到千幾萬間...

突然發覺我地既公帑的真正價值係咁高既, 若按巴菲特既價值投資法, 用呢筆錢投資係美其名"變相公投"既五區總辭補選活動, 回報率係幾多, 大家心中有數

泛民被迫到牆角, 唔做無面; 內侍總管一句有心無意既耗費言論, 實行連消帶打, 說到底, 這場鬧劇劇終roll上來的鳴謝字幕, 絕對唔少得有你有我有佢既偉大納稅人...因為這個係, 是他也是我和你的故事

又是一個混水摸魚, 乘亂抽油水, 聲大就以為具民意的劇目; 唔知中學生既通識科會唔會拿來做專題研究; 同學唔交功課又來一招全班總"遲", 實行以一招稚子無知令校長改返學時間, 以策制宜, 既反映全校民意, 又可多睡調理身心, 何樂而不為

香港, size連廣州都不如, 十年後, 一個特首連一個廣州市市長也不如..大家不如用果一憶五千萬黎投資拓闊迪迪尼, 全港港人齊齊做股東, 每年分番d股息, 大家有so 齊齊happy, why not!