網誌分類：CCCP |
圖片
網誌日期：2009-11-05 01:30
昨晚放工立即拎埋好多架撐出發,今次又去之前捉貓地點,再接再厲!
第一站去孖寶來源,地盤,9點前去到,自己開住檔,等珍姐黎會合!
無幾耐有一隻黑貓出現,但貓貓聞幾聞就走左....................
等到珍姐拎埋架撐黎幫手,我去左買飯盒,一路食,一路捕,唔食淨食風!等左好耐,仍然無貓貓出沒......................
係地盤捕到十點,被捕貓量仍然係零,惟有轉到下一個地點,食店後巷!途中見到一隻舖頭貓,好得意!
去到後巷,係一部紙皮車入面有隻貓貓瞓得好霖,天氣咁凍,紙皮竇一定係佢o既暖爐!
等啊等啊~~~開始好擔心食白果................
好在有個超級驚恐的小朋友肯入籠!
食店後巷好多貓,但隻隻都極之醒目,單單係呢隻貓,先後3次,係我個籠度偷d野食出黎食................玩我咁..............佢好靚仔,d紋又靚,如果係bb時可以入室,衣家應該過緊舒適生活,唔洗靠洗碗亞姐比d餸尾裹腹!
又等到十一點,見食店後巷再無貓出沒,惟有再去公園捉,呢個公園好多貓貓都做左絕育,但剩下未做絕育的貓貓,已經對籠好有警覺,好難上當,反而曾經捉左做絕育的貓貓,就好似知個籠對佢地無危險性咁,成日係個籠旁邊玩,仲會偷入對d野食,激死人.............
唔知係咪天氣凍,搞到d貓貓唔出沒,仲令到人好眼瞓zzzzzzzzzz
凌晨一點,仍然只有捉到一隻貓貓,一隻貓貓係比食白果更無奈,因為車費都係要咁多,車一隻貓貓過海,好唔合乎成本! 我一點鐘散水先,珍姐會合胡太繼續捉貓,希望可以打破一隻,捉到三點幾,佢地仲被警察叔叔查身份証添,警察叔叔提醒佢地要小心,最近多左搶劫,原來唔止要小心變態佬,大家都要小心哦!最後埋單仍然係一隻,本來以為至凍個晚,可以帶幾隻貓貓去SPCA入面避寒,同做絕育,點知..............下次繼續努力!!
IMG_7133.JPG
IMG_6974.JPG
IMG_6972.JPG
肥仔 2009-11-08 22:26
licolihk 2009-11-06 10:43
將軍澳~遺失迷你型松鼠狗
本人於 2009年 10月26日 重陽節早上 11:45 左右在將軍澳坑口附近遺失一隻迷你型松鼠狗, 男, 淺啡色 (名: 咖啡 ), 有腳患, 須長期服藥. 現本人非常擔心. 懇請求各好心人仕見圖若尋獲請即電 94121788 / 62726404 (24小時) licolihk@yahoo.com.hk / shannon_li@yahoo.com.hk 李小姐厚酬, 感激不盡!
沒有見過的好心人, 懇求請您幫幫手轉寄此郵件給住在將軍澳的親友! 特別居於村屋如~ 將軍澳茅湖仔村、馬游塘村、將軍澳村、魷魚灣村、坑口村、田下灣村 感激不盡! 感激不盡 ! 不好意思打擾 BLOG 主您, 不好意思!
26/10/2009 有途人曾在明德邨近寧路健康中心附近見過牠在徘徊!
28/10/2009 有途人見到牠走入將軍澳君薈坊商場。
30/10/2009零晨5時左右, 有看更見到牠在將軍澳廣明苑範圍小便, 隨即將牠驅趕。
特徵 : 走得快時, 後腿右腳時會縮起跛下跛下的
Happy 2009-11-05 23:04
冰冰 2009-11-05 18:27
元寶 2009-11-05 17:18
莉莉 2009-11-05 14:25
脾 2009-11-05 02:02