幾手準備

良久沒有寫下關於財經/理財的文章, 近日金融市場相當動盪, 是時候寫下紀錄, 幫助自己整理思路, 順帶交代下近況.

樓

1 .  08年 2月時以  85 %投資按揭購入了市區一舊樓 ( 近母親家), 以作收租之用, 租客為年青big 4 僱員, 準時交租, 租金可抵銷所有供款.

2.  05 年時 95 %按買入的物業, 於 08 年 4 月沽出了.

期後已搬回與母親同住 (因姐已遷出與男友同居), 再全身投入自己生意.

股

幸運地亦於2 月左右盡沽所有股票以作買舊樓 (1) 的首期,  期後沽出 (2) 的錢因要預留生意營運之用, 沒有大量投放入股市,  避過一劫。間中有忍唔住小注炒下股及旦, 還好有堅守止蝕之道, 損失不大。

現金

經過約半年無乜收入的營運 (煲project) , 餘下現金不多, 還好中間有幫友人公司友情客串, 有d 佣抽下幫補下, 加上自己生意開始漸上軌道, 總的來說, 每月的現金流叫做breakeven. 08 年應可順利捱完.

----展望未來-----

最壞情況

全世界金融體系崩潰, 經濟停頓, 銀行無錢要 call loan 迫自己立刻還樓按, 咁樣基本上可以即時宣佈破產。如果有咁的一天, 相信到時都不愁寂寞大把人陪, 一切重歸於無再restart。

還好自己尚算後生, 人際網絡都幾寬, 要從頭再黎過, 應該都仲可以頂得住。

普通壞的情況

美國死唔去, 歐日死晒, 美元變番相對強貨幣.

由於小弟的生意係走美國水冷門野, 另一方面做高價品的oem 野.

淡市下相對受的衝擊無貴貨或一般爛價的家庭用品咁大, 預期最多毛利下降或銷量下跌, 計番條數要維持營運及生活都應該仲可以。

解救可能係友情客串變主演, 多d 參與友人公司(it 野) 以增加現金水平.

好的情況

各國救市成功, 阿爺亦出手, 令到美國及香港經濟只係穩定地衰退而唔係一下子直插, 某程度來說咁樣對小弟係最有利, 生意應最受惠於此一情景.

情形類似當年亞洲金融風暴後大家樂, 茶餐廳, 日本城等的堀起.

所以各方友好, 暫時唔需要太擔心小弟, 因為小弟已作好各方面的心理準備了.

HOPE FOR THE BEST , PREPARE FOR THE WORST.