放浪台灣‧三

於春天酒店洗左個溫泉浴後, 下一站便到電影<<不能說的秘密>> 的場景--淡水中學一行.

我們到達時, 正值下午四五點, 許多中學生還在鬥波, 吹水.

校園挺大的, 我們團中的美少女便隨意抓了學生哥問路, 「你好~ 請問<<不能說的秘密>> 的場景在哪?」

那位學生哥極其熟練的道 「你想去那一個場景?」

看來佢年中都俾人問唔少次, 話唔理學校仲會有本指引<<遊客尋找場景 FAQ>>...

有興超睇多D 相同資料既可以去以下 LINK

http://www.dcview.com.tw/article/newreadarticle.asp?id=5567

其後便到名勝淡水看日落, 可惜的是, 果日烏雲蓋頂, 乜春都睇唔到.

(抱歉....無一張剩景無人的, 忍耐下)

不過淡水一帶的小食真係夠晒多, 一路行一路掃, 鳥蛋呀, 阿給 , 可口魚丸, 椒鹽鮮尤帶子, 尤魚絲呀, 珍寶雪糕等等, 真係飽到嘔.

我懶, 想睇多D 飲飲食食的料, 去呢個LINK 啦.

http://rich671023.spaces.live.com/blog/cns!2BCF1448852473D5!2181.entry

淡水一行食飽後, 便再到士林夜市行街SHOPPING.

老實講, 小弟對行街買野真係無乜興趣, 不過都無計, 女友下令, 唯有做個無奈男.

夜市其實同香港的女人街差唔多,  不過更多人迫人, 同多左小食攤係路中心.

個人極力推介一個蜜味雞排同青草茶 ( 類似廿四味薄荷版) , 相當有水準.

意外收獲係見到被放逐台灣的薛海皮,  真人無上鏡咁靚, 雖然微服出巡, 但個妝都幾行下, 而且身形高, 所以一下子就被途人認出, 亦讓小弟見識到藝人面對鏡頭微笑而鏡頭後極速黑面的表情, 可謂大開眼界.

要注意的是, 夜市中是沒有公共洗手間的,  公共洗手間只設於捷運站的對面, 所以記得入夜市前先方便一下, 唔係行到中間先人有三急便大鑊了.

經過三兩小時的血拚 (其實無乜收獲) , 累極, 便回酒店準備休息.

豈料女友又未覺飽 ( 天呀~~點會咁大食) , 便再出去酒店附近的夜市覓食了.

如此食食食再食的一天, 便以一個海鮮烏冬作為落幕.