婚前的準備

近日真係好開心，因為當我哋好忙咁準備婚禮事宜時，各方好友都好幫手，真係好多謝大家，我真係好感動！

如果仲有朋友仔未能睇到我的網誌（我當然有好多好多網誌...more than 20），請留言給我！

亦好感謝各方好友問我哋結婚想要甚麼禮物！

為了讓各好友知道我哋家中已經有了甚麼，以及有少少送禮物的頭緒，所以以下列出我哋已經有的東西，以及己經知道好友們將會送的禮物！

P.S. 請諗住送該禮物給我哋的靚仔靚女留言，唔好我家一下子多咗好多同一樣嘢，哈哈哈哈！

以下只係我暫時諗到，而且我相信大家一定好有心思，知道我漏咗甚麼...anyway多謝各位支持，哈哈！

1. 空調、雪櫃、基本家電（己經有啦！）

2. LCD電視（雖然有好友問我哋有冇，但太貴啦，讓我哋自己買，錫晒你哋）

3. 電飯煲（感謝小明表姊送贈）

4. 電水煲（感謝光軍送贈）

5. 豆漿機（感謝小明契姨送贈）

6. 微波爐（感謝教會朋友仔送贈）

7. 電暖爐

8. 雞批仔按摩器（osim）

9. 花茶茶壺套裝（透明較靚）

10. 麵包超人盛鹽器

11. 數碼相架

12. 各電器、百貨公司禮券

13. 麵包超人碗、碟、餐具（其實其他「日本花」的都ok，但「雅」碟真係尤其短缺！）

14. 毛巾套裝、圍裙（麵包超人、鴨仔、豬仔等都可以好...yeah！）

15. 床單套裝（鴨仔、豬仔等都可以好...哈哈！）記得size係5呎 *6.3呎！加大的！

16. 得意產品（信得過你哋的眼光啦！）

17. 大家的參與和祝福！

18. 其實最重要的是大家為我哋的婚禮禱告！為當天的天氣（不要太凍）、當天的交通情況、我哋的心情、各位兄弟姊妹或幫手好友的配合、所有程序）

衷心感謝大家的幫忙、祝福、參與、送贈和禱告！

記得到時14/3（六）一定要到！錫晒你哋！