近況~

星期二...學校活動...下午成班人去咗太古UA睇"南京!南京!"...

一入到去...整壞咗人哋部扶手電梯...

可能係太多人一次過上去...

我望住佢哋...真係覺得好搞笑...成班沙甸魚咁XD

落井下石添

套戲睇到喊...太殘暴...有d人覺得美化咗日本人...

我覺得...觀點與角度啫...而且只係部電影...

係會有d電影情節嘅~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

星期三..."今晚見!"

成班同學夜晚去咗西灣河文娛中心睇Dracula~

第一次睇話劇...

睇劇只前...約咗佢吔食飯...

好開心呀今晚!!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

呢排成班女仔杯葛一個女仔...

最憎呢ｄ...唔鍾意人咪算囉...

鍾要搞咁多小動作...

好討厭...所以最憎同女仔玩...

男仔就唔同...有咩唔鍾意就出聲...

呢排我仲同佢哋一齊白痴咁攞包紙巾當波打...

唔似d女仔咁小家...

不過呀岑知我因為班上嘅呢d事唔開心...

佢同我講"唔去再諗咁多唔係你能力範圍嘅野"

安慰我~

佢都講得啱嘅~

佢就快生日喇!畫咗幅畫俾你...點知俾你發現咗~

無哂驚喜添~

點解次次想俾驚喜人都會俾人發現呢?

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

開始補課~好攰呀!!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Art又做完一份功課!開始做呢學年最後一份!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

有晚發夢見到呀哥...

無疑地...我很想他...

唔知佢依家點呢...

我發夢見到佢打開門講"我番嚟喇"

不過現實中...佢一定唔會咁...

雖然夢醒之後會唔開心...但係還是很想夢到他...