上個禮拜因為住嘅地方要重新鋪設水管，遇上兩件值得我反思嘅事。
我返到去嘅時候發現已經斷水，先知道需要call師傅上門處理更換水管時宜，師傅回覆需要一日後先可安排時間，意味住我將會有一日時間會係冇用水供應嘅環境下渡過。
24小時入面我只能夠購買罐裝飲用水替代一切，每沖一次廁所洗一次手都好有一種：“嘩，咪去得咁盡啊大佬！”嘅感覺，你要知道，以前你會用大量用水去刷牙，去沖涼，但宜家，你終於知道每一滴水都要用到位的個種艱難，之前都經歷過一次停電的痛苦，首先我解釋下北京同其他地方唔同嘅地方，北京冇交電費呢個習慣，係用一張card去銀行買電，比如，你買50蚊會有100度電，然後就將張card插入你屋企個電錶，跟住就會用一度扣一度，直到扣晒，我個人勁buy呢個做法，呢個做法培養佐所有人知慳識儉的習慣，因為你每日都會好清晰自己用佐幾多電而知道有啲乜野電器需要適當去用，不過我同好多北京人一樣都會經歷過一種情況，就係得翻1，2度電但要挨2日的痛苦，事關星期六日銀行關門你禮拜五晚先知道自己所剩無幾咁就扑街喇，所以我同Raphael都會互相督促大家關燈或者唔用嘅電器關佐佢，但一但買翻足夠嘅電，又會變翻浪費個時嘅習慣，到真係冇晒電個一刻，先好深刻明白資源的重要性。
呢次停水一樣，我地到底有冇反思下自己每日浪費幾多無謂嘅資源，而有一日，真係會全球性短缺，我成日都講，宜家咩國與國之間的爭執，民族之間的仇恨，係唔足以引起戰爭的，因為大家都好清楚一旦進入戰爭狀態，一定會損失好慘重，得不嘗失，大家都經歷過戰爭，好清楚呢樣野，好唔想最為無謂嘅野去衝突，咁到底點樣先會打仗？ 資源，一但冇晒或者嚴重短缺，我地就會開戰，到時，真係無比可怕，我覺得宜家講 “ 從今天做起 ” 係冇用，算我悲觀，我覺得已經遲佐，我地死就一定死硬，大家睇下係幾時而已，等到就等啦，不過都快嘎喇各位。
好，至於第二件值得反思嘅事情，我下回分解。
想休息。
－待續－
