港聞版中的帆船

雖然本港有不小的船會, 遊艇會; 政府更有五個水上活動中心. 但是帆船運動在香港始終未能全面普及.

當然, 一樣運動能否普及向社會各階層是基於很多的因素. 而媒體o既報導亦都係其中不可缺小的.

(上面你"魔術廿五", 能容許三位水手同時吊掛出船外"責船". 不過請先找一位出色的舵手, 如不... ... 隨時會變大茶包(以吊掛狀態在水面上上落落))

http://www.hkheadline.com/dailynews/content_hk/2009/05/15/78352.asp

以上一則新聞便報導明後兩天, 由香港遊艇會主辦, 於維多利亞港舉行o既"春季帆船大賽". o依個都算係每個年度中數個大賽之一, 亦都係小數在維港進行o既大賽之一. 估計到時香港幾個不同船會都會有船主出席參加... ...

而報導中提及賽區和觀賞地點方面. 一般維港賽有兩個起點, 理論上係細風時在銅鑼灣香港遊艇會對開開始, 而中風或以上便會移師去紅磡海逸酒店對出海面開始 (o依個決定係因應有不小的"龍骨種類"的帆船係冇配備引擎的, 未必能短時間內到達開賽區)

開始後賽事航道多數集中o係維港o既東部, 因為此處相對西部較小船隻出入和橫渡維港.

而究竟係在那裡開賽, 採取咩路程呢? 咁就要當天早上大會先會視情況而決定及公佈喇~ (有o的比賽要開賽前十五分鐘, 在開賽區睇大會船上o既旗號先知道o依場比賽要賽咩賽程呢~)

至於最佳o既觀賞地點, 我個人就認為係紅磡海逸酒店附近o既海旁公園喇, 因為有機會o係o個度開賽(估計幾會都好大o下, 因為現在紅磡馬頭對開海面有工程進行, 應選擇比該處較東的地方以作開賽), 而大部分o既賽程都會以"船塢泡 Dock Buoy" 作為下風泡. 即係話除了開賽, 船隻好可能會兩次路經該處. 另外, 繞下風泡係最好睇o既, 因為多數都以球型帆航向下風, 之後要在極短時間內回收球型帆, 再將船隻轉向135度迎向上風繼續航行.

以下係今次賽事o既網頁, 可找到一切o既參賽需知:

http://www.rhkyc.org.hk/default.aspx?c=399