週末

星期六約左幾個朋友食飯.

下午三點左右, 到銅鑼灣某間意粉連鎖店食下午茶.  大家有傾有講, 互相問候大家近況, 幾開心.

一共五個人, 但其中一個朋友遲到, 而且佢黎之前已經食左野, 只係陪我地一齊坐, 一齊傾.

我地點左兩個二人餐, 只係食淨少少洋葱圈.  意粉, 內排, 大件蒜茸飽, 闊條麵, 薄皮薄餅, 飲品都幾好食.  朋友用信用卡先比錢, 可以有優惠價, 之後我地再夾錢比番佢.

食飽之後, 陪其中一個朋友去崇光買少少野, 之後再去跑馬地附近, 已婚o既朋友嫁左之後就係住響喱區.  入屋後即刻開枱打麻雀.

原本五個人, 朋友o既老公有自己活動, 去完崇光之後已經走左.  我一向都唔鍾意賭錢, 所以牌藝比佢地差.  當佢地唔夠腳o既時候, 我就會扽腳. 每次我都要求賭細o的, 最多幾十蚊.  求戲唔係求財, 所以我地邊玩邊說笑.

因為朋友訂左枱食自助餐, 六點幾離開步行往餐廳途中, 路過電車總站之後幾分鐘, 見到一男一女正在鬧交.  男人手瓜起展, 女人纖瘦, 我聽到嘈吵聲後, 首先望見女人出手摑男人臉部, 男人好快還手, 非常大聲.  好明顯見到女人嬲到面紅耳赤, 雙方對望停左一陣, 又互鬧, 又互打. 

我地只係邊走邊睇, 因為趕時間到餐廳, 又見佢地只係鬧交, 唔似有生命危險, 所以唔會插手去理.  不過大家邊行邊鬧個男人過份, 就算點樣唔妥, 都唔應該打女人.

去到時代廣場戲院對面o既樓上.  喱間餐廳有分店響旺角兆萬中心.  但食過之後, 大部份o既食物都唔及旺角o個間好食, 不過今次我地坐響其中一間箱房, 少左嘈雜聲, 同房有另一枱食客, 六個全部係年青人, 間房重有 16:9 電視機, 不過畫面唔清, 偶然畫面暫停又回復正常.

大家都食得好飽, 大約 9 點離開, 各自回家.