look ling 揀禮服 買野 一腳踢

上星期六晚同大哥大嫂去look ling，

就造就左我第一次打保齡球啦，保齡～保齡～

但係最後以幾乎全部唔中黎終結．．＝　＝

唔好睇少我，我有一次係全中架．

其他只打到一個或落坑．．所以我都覺得果一個全中係運氣黎０既！

一行五人去打保齡，只影到五隻腳．．

look到我指甲都當場斷埋，可憐．．

然後果晚又遊車河遊到好晚，

第二朝要一早起身揀禮服試禮服，

我為左唔搶新娘鏡，我一定會揀套最普通０既．

不過我就真係從未諗過著low cut，只係著左出黎好似簡單得黎又幾靚咁．

所以我會０係呢個唔屬於我０既婚禮度獻出我０既第一次low cut俾大家．嘻嘻！

到時個妝同髮型都係以簡單為主，一定唔會大噴閃粉．－口－

因為我唔可以搶個新娘鏡，同埋．．．我覺得閃粉上頭好〔娘〕．．．

set頭我諗都係叫佢係咁易整鬈佢．帶個頭箍仔．簡簡單單．

可以幫我整到有光澤，但係一定唔要閃粉．

妝應該係有化等於無化果種，淡得就淡．我強烈要求見返自己個樣！

所以如無意外係會係大地色眼妝．戴下生平第一次０既假眼睫毛．就算．

再說，為呢個別人０既婚禮，我都已經好攰０下．

因為好似乜都係我定主意咁．

媽媽０既旗袍，妹妹０既花女衫係我揀．

新娘果四件晚裝同訂造０既婚紗，旗袍都係我幫佢揀０既．

新郎件禮服都係我幫佢揀．

花車０既花又係我揀．兄弟姐妹０既手花都係我揀．

囍帖又係我揀．新娘內衣都係我揀，連車頭公仔都係我買．

搞到今次好似係我自己結婚咁．

睇怕下個月月頭新娘影相時我都要陪住佢．

因為佢一定要我幫佢揀髮型同化粧．

鬼咩．個個都無主意，好似當我萬能咁，

好似任何野只要俾我過一過目就ok咁．

阿媽仲要講多一句：〔咁你係阿妹０黎０架嘛！〕

係者，但係都唔駛乜野都係我拿主意０架吓？

而家囍帖到左，睇怕都係由我寫多．唉．．．

我揀０既就係呢件，夠簡單，我唔鍾意多複雜．

同埋今次０的兄弟全部係自己親戚，所以更加唔駛咁複雜．哈哈！

揀完衫後，去左公園．．．

好得意０既梅花鹿呀！lucky！

睇佢幾可愛，對角又靚．

而且你睇佢幾識望鏡頭．佢好似笑緊咁架！