Twinkle Twinkle

次次諗個ｂｌｏｇ０既標題都諗到頭爆．

好彩個背景俾左少少ｔｉｐｓ我，如果唔係又〔無題〕嘍．

屋企因為裝修大約一個月，所以就要去其他地方住．

而家我０既臨時房好細，但係都無所謂啦，

我平時間房都唔會大好多啫，而且只係一個月之嘛．

不過呢間臨時房實現０左我一直以來的三個願望．

我細細個已經好鍾意鋼琴，想學，但無錢．

到而家有錢，已經錯過０左學琴０既最好時機．

一直都希望屋企有日有錢，又大０的，可以放部琴．

而家我間臨時房．有一部電子琴．

雖然係人０地０既，但係都算係實現左．

而家只要一返到房，就開個琴黎彈下單音，都好開心．

中唔到大奬．中一個月０既安慰奬都好．

一直都希望自己間房望出去０既風景好０的，

睇到星星同月亮就好開心．我會晚晚望住０的星星訓覺．

但係偏偏我間房就係對住人地屋企間房．

而家間臨時房唔只望到星星同月亮，仲望到燈飾．好靚．

每晚訓前，我都會望完一輪先至訓．

第三個，有０的無聊．就係希望自己張床頭上係天花板，唔係冷氣機．

哈哈，頭上係冷氣機好煩架，成日一滴水漏水就第一個中招．

所以我幾滿意而家間房架．

滿意還滿意．但係其實我無幾多時間會０係間臨時屋企裡面，

因為而家大部份時間都在公司做到死下死下．

仲要係你快，但係人地手腳慢，呢下先至想死呀嘛．

有一日仲返左十二個鐘頭添呀．十二個鐘頭對住部電腦．

對到個頭都暈暈地．

昨晚頭暈暈咁返到屋企，沖左個涼，

然後就開左個琴黎彈．彈０左幾次Twinkle Twinkle Little Star就訓嘍．

每日都好忙，忙到未返到屋企已經好想訓．

每朝一起身就係返工．我慣嗎？

其實與其說是慣，倒不如話我係換０左另外一個方式去接受工作，去生活．

因為我仍然覺得我０既心仍然０係度．

我未忘記自己係邊個，未忘記應該記得０既０野．

０係刻板０既工作中，我仍然可以生活得好有．．．

就連一朝早返工０既路程，本應係好辛苦，好曬．

但係我仍然每日都有唔同感受，好似成段路有歌聲有戲劇陪住我咁．

會覺得好幸福．

我諗呢０的就係我同一般上班族唔同０既地方．

do do so so la la so  fa fa me me re re do

so so fa fa me me re  so so fa fa me fa me re me fa me re

do do so so la la so  fa fa me me re re do