朋友呀,朋友呀,我需要朋友呀

至從返０左呢份工之後，

我無機會識朋友，同朋友去街．

無機會識新０既朋友，因為公司裡面全部係家人同親戚，

大家由細對到大，無乜好傾．

連合作伙伴，都幾多係親戚，所以更無計傾之餘仲要超級客氣．

因為我係全家族裡面，果一代裡面，輩份最細．．．唉．．．

而以前朋友仔，

因為無時間，我無得好似佢０地咁準時收工，

所以去街係無乜可能，就算朋友肯等我，但係０的舖頭唔會等埋我先至關門囉．

故此０的朋友仔都開始疏遠我．

而且我又無乜錢，無乜著數俾佢地呢，所以疏遠我係正常０既．

呢個世界上，真心０既朋友好少，

但係有時有０的普通朋友陪你玩下，都不失為一個好好０既行程．

可惜我連呢個程度都做唔到，因為全日有１０個小時在公司．

其餘當然係係返屋企沖涼訓啦，如果唔係第二日點捱呀？

假期又無．．．．人工仲．．哈哈哈添．．

所以真係唔明點解以前一輩會覺得繼承父業係好事．

可能佢地覺得：我有錢／野留返子孫．．

係，係好事．

但係．．．對於一０的人工又少，無假期，無乜機會識朋友０既父業．．又點睇呢？

其實我講無機會識朋友係因為我開始知道父親大人想我做咩位置．

女仔，可以做咩位？咪係一貫０既公司行政囉．

相比起行政，日日０係公司，人影都唔見多隻，

我情願日日見人，識多０的唔同人仲好，

起碼如果從中搵到幾個好朋友，朋友仔就好啦．

如果我人生餘下落０黎０既日子以後都係咁過，

真係慘過ｓｅ～～～～～～～～囉．

我唔想我０既世界只係得公司個行政部咁〔大〕呀．．

或者某個叔叔真係講得岩，

我真係唔應該生為女兒身．

如果我係男兒身，咁樣爸爸或者唔駛我留０係行政部．

其忚人對我０既睇法又會唔同．

突然覺得原來好多野，只係你唔係男／女，性別一唔同．

會令成件事，連人地對你０既睇法都唔同．．

最衰呢個年代無得女扮男裝．．．等我代父從商都好．．哈．．

唉．．．唔開心．．．