新闻封锁太多,自然无公信力.

之前daddy mummy问我有无听BBC, 跟住我觉得好奇怪.

深圳有咩可能收到英国BBC!?? 我话无.   佢哋话佢哋80年代喺深圳读大学嗰阵深圳係收得到BBC嘅.

过咗一排我先知RTHK7个台之中有个台叫BBC台,

我就懒叻咁问爹啲当年係咪听紧香港电台,  点知佢话: "香港电台点会报Greenwich时间啊?!"

十几年前,中国(深圳)未有"数字电视", 香港都未有"高清"呢样嘢.

所以喺8,90年代, 珠三角地区居民要睇香港电视,好简单,插条天线就得喇.

自从2005年, 深圳开始全面强逼安装数字电视后(唔装得5个台,比以前少剩几十个台,你话係咪强逼?!),

喺深圳就再都睇唔到原汁原味嘅电视, 全部俾班人CUT到支离破碎.

7.1游行又CUT, 6.4又CUT, 23条又CUT, 有阵时成个节目帮你换晒都有份,

好似铿镪集,头条新闻,议事论事,城市论坛呢啲民主自由嘅节目, 经常惨遭偷换成"无间音乐".

心有屎啊,截咁多.

前排敏感月份,中国封咗6000几个网站,其中香港新闻网全封.

又强行7.1起出厂的PC(个人电脑)全部要事先安装"绿坝",

哇,讲到好劲咁,一张图片太多红色就界定为暴力,太多白色就界定为色情.

点知俾人试验咗喇, 係政治过滤器来架. 你喺"桌面"到做咩都会受到限制.

如果你喺WORD等文件到打啲政治敏感字句, 电脑荧幕随即会出现警告字句,

之后你嗰个敏感文件就会随即被删走.

咁做法肯定大把网民唔妥喇,  搞到国内外舆论嘅反对声音好强.

20多国官员去信温家宝. 真係多得佢哋啊.

好采,国家宣布暂缓强装绿坝.

暂缓咋..

其实你封咁多有咩好处,你俾你啲国民知多啲嘢,

咁啲外国政府起码唔会成日话中国无人权,无新闻自由啊.

民主进程虽然慢,但都唔使慢到下下CUT晒啩?

呢篇嘢纯属呻下.