又一次亏欠@《我的生存之道》

今日中午，我Auntie失惊无神甘走上嚟我屋企，话叫我去饮茶，我咪陪佢去罗（但我之前已经食左嘢，超无耐~` ）。一边坐，一边听佢同佢个friend係度吹水，更无耐~~~
食完，送完佢哋走左之后 ，我一个人好无聊甘行，行行下，行到Bodyshop门口， 谂左下："我好似从来都未入过Bodyshop嘅喔，入去睇下罗。"原本净系想问下Sales有无香水，啱就买左佢。
但系， 係我无聊嘅状态、同Sales嘅极力推销下，我买左4样嘢（香水、唇膏、润唇膏、eyecream）,埋单-----------------700- ？=22，具体个 ？号，唔想再记住（依家谂返，都几痛）。
走左之后，又好ON居居甘行到左“许留山”门口，谂起左~多芒小丸子~， （对上一次食，係上星期日，同大头莹、sufi去完“动漫节”之后，大头莹话想食，就去左。我记得我好似N耐无去过“许”，真系多谢大头莹帮我钩返起“许” ）
入去坐低，点左份“多芒小丸子”，6点几，好少人，我---继续ON居居，食食下突然听到《我的生存之道》：

......我有爸妈挂念
事业还望发展
仍能活着未曾靠诺言
记忆似并感染
心却比水善变
再也不相信蜜糖便信盐
我怕爸妈挂住
莫被情字拖欠
遗忘昨日便能记得明天.......

果一刻，我突然谂到我爸爸妈妈，有一种好亏欠左佢哋嘅感觉，每次佢哋关心我嘅时候，我都会觉得好烦，但每当我静思嘅时候，都会觉得对唔住佢哋，今次都系一样......

其实，千FA有好多歌都会搞到我係某个时候---流泪不止~~~


感性一轮之后 ，就返左屋企Lur~~~~~(返到去，即刻打左电话俾爸爸妈妈，其实都无乜好讲，但成个人觉得好开心。)