錦田鄉村俱樂部

今日去o左錦田鄉村俱樂部燒烤.

第一次去, 位置o係錦田水頭村入面, o係錦上路西鐵站搭的士, 都好近.

落車後見個入口不以為意, 入到裡面原來另有天地, 地方真係好大, 有好大o既草地可以放風箏, 士多啤梨園好大, 重有菜園同蕃茄園, 不過就比較細.

場地o既設施都好多, 有個小小o既動物園, 裡面有豬, 兔仔同松鼠仔, 有小朋友玩o既電單車場, 有射擊場 (不過只係 bb 彈射汽球), 有射箭場, 有金魚撈, 有單車租等等.

班小朋友就玩得最開心, 重摘o左好多士多啤梨同蕃茄.

去都算方便, 不過走就麻煩 d , 一係就等小巴出元朗, 不過唔知幾耐一班車, 等o左一班但係爆棚冇位, 所以唯有等的士, 但係要望天打掛, 有人入先有的士, 等o左成 20 分鐘先有車, 所以走就好唔便...........!!!