4月2日--bb day51--走難mama

今日mama有個任務，就係一個人帶bb去荃灣，仲要帶埋bb車，係荃灣同放工的baba會合！

係屋企執拾bb的奶粉、奶樽、熱水、紗巾、尿片、濕紙巾等裝備，又要餵定bb，又要換定片，然後背上一個大背包，胸前用揹帶揹住bb，手推一架摺起的bb車，成個走難feel出晒來了！

走去巴士站，係腦中不斷採排上車時的動作，點樣顧住阿b又要的架bb車上巴士.........

好啦，巴士埋站，心裏雖然驚驚地，驚上唔到車，俾bb車kick住唔上唔落超瘀皮，哈哈，但外表表現十分冷靜，一副信心十足的樣子。

雖然真係幾吃力，但都順利上到車！mama行出成功的第一步啦！(其實可以叫人幫手，但我都係想第一次俾自己有個成功的經驗，以後就唔駛怕了。)

落車時，由於係總站，我等最後先下車，正想的起架bb車時，前面的兩個女人主動幫我的架bb車落車，原來佢地前面仲有一個同行的女人，係抱住個小女孩的，唔怪得大家都有d同理心！

.........
我地行街，然後打算行去三聯買書，點知間衰野裝修！五月先開！我俾baba取笑一心想出來買書，結果白走一趟！食埋飯，baba送我去搭車，佢就推住架bb車去踢波，費時我攞唔多野咁論盡。

...........
上到車，mama竟然睡着了！真係太累啦，回到家，bb還在揹帶裏，和mama躺在沙發中開始睡了..............
..........
今日只係幫bb買了張換片墊，但我打算把它變身為bb練習爬行的場地，咁就唔駛搞到張床單咁多bb口水。