9月14日--monday--爬落墊

自從bb識得扶住沙發、電視櫃、窗台行，加上佢識自己跪返低or蹲返低變爬，佢基本上係廳已經係自由行，想去邊就去邊。

要突破客廳的防線，佢就要爬過一層1呎高的沙發墊，而順利落地。

bb已經自行學識爬上個墊，趴係度。佢試過想爬落地，結果用塊面着陸！

當跌過兩次後，佢知道呢度唔可以亂來，所以會乖乖地趴係度等我地，or兩邊爬，想辦法。

baba係mama唔係度時教bb調轉身，patpat向後，用腳落地！

baba講俾我聽我都唔信，點會咁勁，識擰轉身落?!但mama親眼睇住佢爬去上面相片的右下角，轉身用腳落，仲成功企左係playground外面！睇到眼都突埋。

不過bb初學的「技能」唔會成日使出，我們還有短暫的安樂日子。