9月21日--疫區+被困門外

今日返學，學校有越來越多同學患流感缺席，而我班也有同學確診！同學們和老師們上課都戴上口罩，一片死氣沈沈....

放學無乜mood，決定唔煮飯，同baba和bb去大記食飯。

食完飯mama帶bb返家，baba又去會所同人補習loo。

mama同bb玩下，食完奶，氹bb訓。bb十點就訓了，mama都一齊訓着左。

訓到一點幾醒左，心諗點解baba唔來找我們呢?可能佢見我地睡了，便自己去書房上網。

我走出廳，咦無人，
去書房，咦燈都無開，都係無人?!!!!
望下廁所...無????
廚房，無?!!!!

吓??baba去左邊呀??唔通俾人捉左???

立即找出手袋中的電話，吓?27個miss call ！弊啦，唔通baba打俾我求救???

即刻打電話俾baba.............噢..............
原來佢十點收工返家，無帶key，按門鈴，但我和bb在睡房睡了，乜都聽唔到！結果只好返去樓下大堂，坐係沙發上等，等到睡着.......就咁被無良mama拒諸門外三個鐘！

最難得係.........baba竟然無發脾四，好似無事發生咁！






ps︰我都試過被拒門外十五分鐘.....，baba都明白在睡房係聽唔到門鐘的。