網誌分類：生活點滴 |
完了
終於完左一星期ge工作，好漫長呀，得返半條人命(都冇)! 呢個周未一定要備定多d課，如果唔係下星期就慘啦。
尋日算係較relax的一天，頭2堂同2個中七學生溫書，第7堂去左hall聽jupas，第8堂上中六。之後就同好多同事去左美心食飯，今次係2位副校請，連續2日有人請食飯，真係慳返唔少啊。
食飯吹水期間，知道我以前讀過嘅恆商少少嘅近況，據說d老師做到傻左甘（不過宜家有邊間學校嘅老師唔洗甘丫），令我想起我最敬重嘅econ阿sir…唔得，我呢2日一定要send email比佢，鼓勵下佢，等佢開心下至得。阿sir你要支持住呀！
尋晚joyce去左我屋企俾手信同比旅行相我睇，佢對我真係好，因為佢唔介意由尖咀來找我。由於我自8月都冇執過屋，真係一個狗竇，我冇理由比佢見到甘嘅情況，所以放學後就嗱嗱聲執屋la，都好攰ga，但都好嘅，如果佢唔探我，我估我要到11月sports day至可能有時間執。
Joyce d相好靚呀，canon機係唔同d ge。不過我一定唔會去九寨溝個邊la，甘高，我一定會高山症死呀。但係見到佢d相，又令我好想去旅行。
你就好la,可以去旅行~
Joyce 2006-09-30 02:58
hehe, 你唔使羨慕song 貓喇, 下次帶埋你去~