補課

呢兩日返土瓜灣，因為要帶補課。當我靜靜走到走廊企响課室門口，隔住玻璃見到d細路O晒咀，真係好想笑出黎。佢地即刻起哄，好嘈。

我當然保持一貫女皇的教室作風，扮無野行入去，開電腦，吩咐d仔落去攞野，同佢地講呢個星期補課嘅安排...... 當然我有講點解見到我啦！不過咁嘈都唔知有無聽到！一下子嘈都拆天，我唯有如常兇佢地一下。勁！即刻去返上堂 mood！Last 兩日都咁俾面，好感動！我又開始唔捨得佢地啦！

放學嘅時候，A班一位同學同佢媽媽走黎同我傾偈，關心一下我嘅去向，講唔捨得我之類... 我又一下感動，而且 feel 到d 教師嘅尊嚴。

可惜我係一個唔識同人 maintain 關係嘅人，我相信佢地好快會唔記得我！