海洋公園哈佬喂

吃過美味的魚蛋之後，就坐觀光艇仔來往香港仔，我真係未坐過喎，見到有老外都坐架，我都扮吓遊客先。有啲水上人家曬果皮，啲果皮好大塊噃，有啲整鹹魚，可惜冇拎出嚟曬啦。之後又去珍寶海鮮舫，唔駛錢坐，搞搞震冇幫趁咁啦。

到5點左右就入Ocean Park，門外有好多帽賣，唔貴呢，不過其實所有場館都唔俾帶帽，變咗入鬼屋都幾煩噃。OP的哈佬喂真係有氣氛啲同多嘢玩啲，不過爆多人呀，啲人多到c，打哂蛇餅，好彩買咗貴的門票，唔駛點排隊，好快可以玩哂所有鬼屋，又可以影吓相，唔駛趕頭趕命啦，冇咩幾何可以影到夜晚的摩天輪，同發光的機動遊戲。

當日又誤打誤撞坐咗新開的海洋列車，真係好快，雖然去op一定要坐吊車先似去過，不過如果三十幾度時又濕又立時坐海洋列車兩分鐘就到又真係好方便，唔知日後海洋列車會唔會改變大家嘅登山/落山方式呢？

九點幾就玩哂啦，第二日要返工，係時候bye bye 啦。