自家製bling bling mouse

今日好開心呀, 因為我地病好可以去街街喇, 而我亦一早心思思想去深水埗買嘢.......

買咩嘢?????? 呢個地方通常都唔會係買貴嘢架啦, 但係我覺得買到自己好鍾意嘅嘢比起任何貴重嘅物質更加開心, 所以我要老公同阿仔陪我去呀!

哈哈....一向我都好鍾意整吓呢樣, 整吓嗰樣, 除咗整嘢食之外, 我仲好鍾意做吓手作仔架, 不過做D.I.Y.手工比較有興趣........

好多女仔都鍾意閃令令嘅嘢, 我都唔例外, 但係我唔鍾意鑽石喎.....哈哈!

其實, 我係愛bling bling嘅物件, 由於我知道自己一定會好瘋狂, 所以我要自己好得閒, 好有mood先可以的起心肝去沉迷呢d嗜好, 而家就係最好timing喇!

今日我真係好多謝老公咁有耐性陪我行足成條街, 因為我第一次去搵材料, 所以我都要逐間逐間格價, 我地真係行足成條街, 最後我搵到一間好好相遇, 價錢又好合理嘅店舖........我成日驚老公會好悶, 叫佢自己去睇電腦, 但佢話唔緊要, 叫我慢慢睇....真係抵錫呀.....哈哈!

我一次過買咗好多bling bling返嚟, 等我可以幾時黐就幾時黐 (我不嬲都黐架啦!)........買咗咁多, 加埋其他材料都係用咗$200咋, 仲可以用到好耐添......

今晚返到屋企, 我立即將珠片入晒啱啱買返嚟嘅盒, 我要整整齊齊先有心機開工架......

當然, 我心目中已經有第一個目標啦, 一直我都好想粉飾到個mouse靚靚架, 喺街度都見過黐滿水晶嘅mouse, 真係好靚, 所以我自己都好想整呀!

今晚我就開咗工, 用咗差不多兩小時完成咗第一個 D.I.Y. bling bling mouse喇, .......

我自己就好鍾意呀, 原本係一個好普通嘅物件, 覺得同佢扮完靚靚之後好開心, 真係超鍾意呀........

要我唔開心唔難, 但要我開心返亦都好容易, 我最識得令自己開心架喇, 呢個玩意相信我都有排玩喇!

噢........我愛bling bling......Yeah!