滯留北京。

2006年3月4日

完咗個上等人酒會後，過多兩日係上海又做過，所以我就留係北京，冇返香港。

好彩有Sasa係度，我去咗佢屋企坐；呃咗餐地道北京住家菜，否則我都唔知做乜好。

餐飯果然好味！個拍黄瓜超正，結果我食咗兩大碟，而碟蕃茄亦不弱........正！

食完飯後，Sasa仲帶我去佢屋企附近的頤和園走走。

嘩！頤和園好大好靚，行入去時，好似置身古代o甘。究竟以前D人係用乜來做到o甘大型、o甘精細嘅建設？而最大嘅疑惑係做乜啲皇帝o甘用公帑法？o甘叠水？

點都好啦！我好享受可以係入面，好悠閒o甘，一邊望住D人放風箏，一邊同老朋友閒談。我諗係香港係冇啲o甘嘅閒情，亦冇o甘好環境俾我慢慢行。

香港，妳做乜o甘忙？