邊個星座愛您愛到殺死您o(" .

第一位：巨蟹座
神經質既巨蟹人，最鍾意無腰骨，閒時嗲人嗲到暈，份人有多情，想像力又豐富，再加上之前提過既敏感同神經質，絕對有理由相信你會愛佢愛到殺死佢！仲要係做羅密歐與朱麗葉，攬住一鑊熟！

第二位：金牛座
金牛人出名愛得專一，加上細心同固執，相信自己「無理由佢唔鍾意我！」理論，所以當要愛一個人既時候，你就已經o係不知不覺間開始玩黐身游戲，當時人或者都唔察覺到，但當身邊o個個開始疏遠你既時候，相信你要開始檢討。

第三位：雙魚座
因為缺乏信心，所以當甜心有甚麼風吹草動既時候，你就已經急不及待做足防風措施，但呢o個「風球」，好多時都只不過係因為你既多疑同猜忌所引致，身為甜心既佢，真係有苦自己先至知！

第四位：天蠍座
論手段，天蠍人黐身手段最多，簡直可稱之為層出不窮，招招厲害！你咁出盡法寶，無非都係你愛一個人，真係講得出做得到，再加上你鍾意控制人，分分鍾會被你既專制嚇親，繼而走得快好世界！

第五位：處女座
唔好俾你外表呃到，其實你係個絕頂黐身既人，不過你勝在高招，唔會真係以人釘人，反而會用言語、態度令甜心活在你無形既雀籠之中，飛唔出你既威勢之下，身為雀籠中既你，唔該得閒就反思下喇！

第六位：白羊座
話就話白羊人愛情來得快去得也快！但o係呢三分鐘裏頭，你既佔有慾以及無比好勝心，誓要用儘任何方法把你纏上身，然後你仲會問人：「阿姐鍾意，你理我做咩？」，當然熱潮一過，亦可不帶走一片雲彩！

第七位：獅子座
獅子人既愛情之中相信互相信任，所以你覺得跟本唔使下下Chcek住咁浪費時間！再加上你個人咁忙，你話有無時間玩做跟得夫人？再加上面子大過天，就算幾咁愛佢，你都唔會俾人知你底牌！

第八位：天秤座
天秤人既愛情裏面，鍾意既係追求o個個過程，得手之後，驚喜無晒，所以要黐身到暈，相信你絕對唔係適合人選！不過有一個例外，就係當甜心同你講分手先既時候，你反而會咬住唔放，覺得分手應該由你講先！

第九位：山羊座
你最唔鍾意勉強人，所以要你死纏爛打除非甜心對你既發展好有幫助，否則要你咁做相信有違你做人既宗旨！但澄清一點，咁唔代表你唔識愛人，相反你要愛一定會愛得專一、愛得轟烈！但分手既時候嘛，……一樣堅決！

第十位：水瓶座
水瓶出名有骨氣，要你拋低尊嚴將佢奉如神明，你寧可聽聽耶穌講故仔！加上你太過理性，要分手就連一滴眼淚你都會慳番，好瀟洒，簡直不帶走一片雲彩！所以，身為甜心既你，都千祈唔好咁傻！

第十一位：人馬座
人馬座以自信最為出名！你心目中，自己永遠係第一位！所以要你負責任兼將其他人放到咁大，令佢覺得好重要！相信你都好難做得到！所以鍾意你之前，一定要勸掂自己鍚自己多！

第十二位：雙子座
善變是雙子人的本性，要你負上責任，相信你會覺得比死更難受！要你黐住情人，相信辛苦個唔係佢，反而係自己！特別是你怕麻煩既性格，一個唔好彩，甜心真係黐住唔放，到時你話點算？