「會藉」

又「睇完樓」返來，坐下來想一想「無入會」的問題。

已經有2次「業主」親口問我有沒有宗教信仰呢個問題。我係無，就算讀足咁多年教會背景的學校（大學除外），唔信就係唔信。

我係試過被人誤會我係教徒，亦有過同學嘗試引我入會，但真係固執得很，始終我都係信自己多些。

因為，他們永遠都解答不了我的問題：如何證明聖經講的話係真的？而他們往往會講，只要我信，就係真的。

唔好意思，真係不能接受。

「業主」知道我的意向後，眼神往往都會變得不一樣，好似即刻將我歸為異類一樣。老實講，我唔信唔代表我反對，亦不代表我不能融入他們！這些不是岐視是什麼？

去睇的樓都是「靚樓」，但都有這些附帶背景，真無奈！