老大又唔係身邊的第一天

今日老大又北上啦，返佢屋企，今次就因佢大哥的腦裡兩條痴左一齊定係生左粒也有事入左醫院，連佢老婆都唔清唔楚，總之佢成家人只知佢暈，個腦有事其他真相就咩都唔知，真係唔知係好事真好笑!對佢呢個病我的心情真係唔知點形容，識佢大哥咁耐就知佢係個點既人，都可以話佢今日得來係咎由自取，從來冇珍惜過自己及屋企人，老婆坐月時仲要出去搞三搞四，真係最憎呢D咁既人!但老大始終同佢係親兄弟，佢的心情點可以同我比，佢一知道佢有事即刻流眼淚，好down。佢的心情我真係會好難明白，可能佢驚又一次失去至親的人呱!我真係唔知點安慰佢好!佢姑姐仲特意打電話俾老公叫佢留係大陸照顧佢，對我黎講，點可以?亞仔邊個睇啊，佢屋企成家冇也做，做咩要個係山長水遠，又要照顧自己仔同家庭既人去照顧有人有時間照顧既人啊?咁我點啊?我都明白佢的意思同心情，話佢老婆太累，走黎走去，咁唔通我呢個要返工既人，返工前送仔返學我自己返工，返工後買送接仔放學，煮飯幫仔沖涼一脚踢就會唔累，太自私啦呱!但都希望佢大哥冇事好返既，佢既唔好都不至於死!都希望老大呢次北上能好快返黎ga!