Apr 18

分開左1個星期喇~ 呢個星期裡面好多人都叫我唔好唔開心, 又問我如果佢改過會唔會同番佢一齊、會唔會拍拖住呀? ......等等既問題

當然, 如果佢可以改過, 我可以比機會佢。問題係我已經比左成年時間佢改, 呢1年裡面佢一d改變都無, 我亦唔會對佢抱好大期望。況且佢要改, 都係對佢自己有好處, 唔一定要為我而改。短期內我唔會拍拖住, 我d好朋友會知點解, 我希望自己可以放低曬d野先開始新既生活。同埋我再三同你地講, 我無唔開心呀! 我個樣都唔似啦吓嘩?! 絕無欺騙成份, 我好滿意依家既生活, 我有好好既屋企人、有好多好好既朋友、有健康身體、有書讀、有份工(唔知叫好定唔好, 但起碼夠洗), 只係無男朋友, 但我又未到30, 應該無問題既。