生日第一擊(激?)

今晚去咗諾士彿臺食飯仲影咗好多相架

但係唔知點解整來整去都整唔到落電腦度呀

激死我喇

嚟梗嘅七月仲有大把影相嘅機會架嘛

點算呀

今晚本來只係普通嘅晚飯約會

但我一開口就話今晚當生日飯第一擊

幾唔知醜呀 呵~~~

我只係飲咗一杯紅酒咋

返到屋企巳經即刻跳上床瞓死咗喇

瞓到啱啱酒醒先爬番起身去沖凉落妝

而家又鬼打咁精神喇

我真係越來越唔飲得

所以近來巳謝絕一切嘅夜生活

對上一次去飲嘢巳經係叔叔生日嗰次

仲記得嗰次我飲醉咗肉肉酸酸咁

又攪到個胃辛苦咗幾日

唸起都怕怕

不過生日飲番小小都應該冇乜大礙

半杯起一杯止喇

(相片希望可以後補)