西鐵沿綫之旅

這幾天雖然放早，但回到家的時間都不夠用，可能我做野較慢.... 晚上返course後已經好累了

終於有時間記低落黎，六月九日公眾假期，我同小豬豬既西鐵沿綫之旅 ~~

晨早10:00正式出發！貫徹小豬豬的作風，起行前我都唔知去邊(愛給我surprise的小豬豬)，估極都估唔中...... 佢話不如攞左我去賣，價值千斤架........... hahaha

結果~~~~~小豬豬買左呢張車票佢就開估啦--------西鐵綫全日通登車證---------開始西鐵沿綫旅程啦.....

全日「西鐵沿綫車程、輕鐵、港鐵巴士及港鐵接駁巴士K16」20蚊唔限次數任搭，真係好抵呀

下面西鐵路線圖，我地由荃灣西出發沿綫向屯門方向，只係朗屏和兆康站無落車

第1站：荃灣西---買車票先，當時先知發生乜野事

第2站：錦上路跳蚤市場---這是我第一次去，呢個亦係那裏唯一景點，因為我地去到時間尚早，好多檔仲未開，所以我地決定回程時再黎~~

第3站：元朗---好鍾意呢個地方，食野多選擇又唔太貴，我地去左食勝利牛丸米，仲試埋牛腩，好好味~~ 牛丸爽，牛腩無根夠「林」又夠味，承惠19蚊一碗.. 我地太心急，又唔記得拍照留念....

接著小豬豬帶我去左係元朗西鐵站出口既「大雞大」，它是一間小小店舖。名符其實，好大塊雞扒，我同小豬豬兩個人食1件都夠~~

賣下廣告.... 加埋佢地秘製辣粉，yummy~~

第4站：天水圍---這一站既愉快又有意思，我地去左探我的好好好姊妹~~鳳玲，難得來到天水圍，小豬豬記起我的好姊妹她搬來這裏不久，就建議去探訪她倆夫婦，當然好啦！！我和鳳玲是在舊教會至今很要好的知己朋友，現在雖然不同教會，見面少，但友情永遠在我們中間。真的好開心探訪他們，我地突然造訪，他們原先計劃的節目都要改改，真係唔好意思，都係因為想見一面~~

買左個大西瓜上去，小豬豬揀，好紅好甜好多汁架~  我攞住其中一邊，仲有另一邊架>>>                     

第5站：？？？？？---離開鳳玲屋企，小豬豬又好神秘咁帶左我去搭西鐵，去到屯門，以為小豬豬帶我去行屯門Times Square or 吉之島，我都仲未估到，原來唔係，我地去左黃金海岸啊！Yeah~~~ 我聽人講，但之前從未去過，我地都影左幾多相呢~~

第6站：屯門市中心---我地行左一陣商場就決定係出面街解決我地既晚餐，我最鍾意食Congee，平時自己都鍾意煲粥食！咁啱俾我地係屯門發現有粥舖，就入去啦，個度既粥真係好好味喎... 特別係柴魚花生粥，用豬骨粥底煲架~~

回程時再遊錦上路跳蚤市場，噢，檔舖都開始收了，行左一round就走啦~~

這次旅程我地搭左多次西鐵、輕鐵和接駁巴士去唔同地方，2人的車費合共只需40元... 原價1人的車費也要70元架....小豬豬真聰明！

充實愉快的一天，還因為有你同在，謝謝你的精心策劃~~

回程了，小豬豬疲倦的身後----------有小妙..

天父，感謝祢，人生的路上讓小明與我一起同行~~