喵喵絕育日...好彩無事....

喵喵絕育成功但子宮係黑色...
喵喵絕育日．．．
今朝出發前　放佢出黎俾佢跑左陣...同埋幫佢舖好尿片～

仲去左公園呼吸左５分鐘既新鮮空氣～

見到Dr Betty, 佢好愛喵喵　話佢好靚....
但佢把喵喵放上磅磅重時,以為磅壊左,因為錄得 2.62KG..Dr Betty話點會咁重呀
再試, 又磅到　今次係2.68kg...

佢話太重喇.. 遲d要減肥　大隻得制　哈哈
10:30AM放低佢後，姑娘話無事就唔會打俾我.......
13:59PM
姑娘打黎話喵喵做完手術喇　不過醫生發現佢子宮十分異常變黑
而且有機會ｄ癌細胞擴散左去其他部位，有需要send個子宮去US 化驗!!!
佢叫我4:30pm 準時返去接喵喵～　嚇到我係咁喊...喊到眼都腫曬~!!!!!
4:30我到左見醫生... 唉... 醫生比左兩個唔同既子宮我睇
人地果個一隻雞蛋咁大，而且顏色紅潤　而我喵喵果個比正常既大三倍...
而且入面有幾粒好似麥提沙咁大粒既黑色瘤. ... 即 cancer...
Dr Betty話已經幫我正個設除　我即刻問佢姑娘所講既野　係咪咁嚴重～
佢話岩岩三點初步化驗係無問題,無擴散,而其他器官都睇過係紅既　無問題~~
唉... 嚇死我喇．．． 最後$2,095 ...喵喵有幾樣另附加既驗野費
錢唔緊要　慢慢搵過　真係最緊要係喵喵無事～
dr betty話～如果過多一個月可能擴散左都唔出奇，真係時間好岩岩好~~