創業 - POPSY

講就講左好耐..關於開鋪頭既事..而家先得閒post番d相上黎...雖然而家我地轉左型..但其實我地都算成功丫..至少有熟客會返黎..佢地會識得欣賞我地既野..唔會覺得係假...所以賣護膚品既生意...我唔覺得係失敗既...因為到我地決定要轉型個陣...好多人都叫我地唔好..畢竟都係開左2個月...好多野係需要時間比人地去適應..適應我地既產品...身邊既人都覺得可以再放多一點時間先...唔需要咁快轉行.....但我地幾個決定左既野就唔想後悔...而且非常迅速地將間鋪改頭換面....我地將最初好光好白好簡潔既鋪面..改成好黑好暗既燈光...成間鋪都好暗.....而家已經唔同哂feel......下次有時間再影番而家間鋪既相先....可以黎個大對比嘛

開頭D化妝品櫃搵人訂做出黎...但只係用左2個月到...就要轉讓出去比人..即刻變2手貨...蝕左好多錢..陰公

不過都係轉賣衫開心d...因為個感覺好似熟悉d....加上有好多人都讚我地既衫好靚...同其他鋪唔同

呢個靠住門口既櫃貼哂膠紙..係因為之前比人偷過野...所以就要痴一痴實佢...等d人沒咁容易偷野走

不過做過護膚品呢門生意...都可以當係一個好好既經驗..知道佢地d人既接受能力去到邊..上面d大陸人真係寧願用假野架(佢明知道係假既)..因為價錢平..包裝同味道都做到一樣..而且用上皮膚度..未必會即時出現問題...所以佢地根本就唔知用假野會帶黎乜野既傷害...希望佢地唔好爛面啦...哈哈哈!!!我仲聽聞上面d人將d真既香水溝水..味道會淡一d..香味唔維持得耐...但只要打開蓋噴出黎個下..味道都係一樣..咁就ok!!!佢地真係咩都做得出黎...真係老翻天堂

其實到而家為止...都沒後悔過轉型..反而賣衫既滿足感仲大...因為佢地d人真係信我既眼光...仲有人試過真係試過成套衫咁賣走...哈哈...真係好開心架!!!!當然最重要係入貨個下啦..自己做左buyer去決定入咩款既時候最開心...因為都算係shopping嘛...