青蛙頭小喇叭

星期日、一放假，同樹頭婆行了2日街。星期日見天氣也可以，貢左去西貢蘇珊娜食飯，牛扒午餐，以咁既價錢食到呢個質素，已算不錯。食飽飯沿海邊行，睇下人放狗，睇d狗去沙灘游水，簡簡單單，已很開心。西貢真係一個好舒服既地方，旺中帶靜又帶旺(廢話)，好好feel，岩晒我地2個，難得咁近，以後得閒要再去多d。

昨晚去接樹頭婆放工一齊食飯，食完餐一壽司後就去了尖咀行街。由於諗住星期日同謝老三伉儷去行山，所以四周去狩獵下d「裝備」，不過未搵到心水，星期六再落旺角作最後衝刺先。

買唔到戰利品，去了citysuffer到行陣，見到有個青蛙頭cushion小喇叭，見佢唔係咁貴($98)，又係青蛙，咁就買左佢番屋企，第時可以一路在sofa訓一路聽歌，相當之不俗。