網誌分類：尋歡 |
早兩日，同個朋友安 Router ，佢話部機慢，我檢查完就講返比佢知唔夠 ram，得512MB，點知條友就即刻彈返來，話之前佢比咗幾百蚊比我幫佢買咗幾GB Ram，一定係我拆晒佢自己拿咗去用咁話！這個朋友真係夠晒朋友啦！佢部電腦部分硬件都係壞咗之後，我用自己私人嘅換比佢用，而且我咁多年來幫佢整電腦，都冇收過佢一分一毫的人工，依家就話我係個賊！我當時即刻叫佢拿單出來囉，咩呀！其實我當時念著接著講話，我屋企都有ram多咗嘅，可以比妳用住先。當然啦，這個當時我一定即刻收返，當自己念都冇念過啦！
之後佢重要求我幫佢關實個機箱側蓋，因之前散熱問題，我同佢打開了一部份。我同佢講唔好關啦，佢係都要關。哈！佢要死，我唔通唔比佢死咩？送多佢一腳又點話呀！咁樣我就同佢將機箱蓋慢慢咁關上，話都冇咁易呀！！
過咗兩日，佢就打電話來，話部機唔著，叫我同佢搞返掂佢！佢話部機燒咗，我就答佢，都有可能呀，都叫咗唔好閂蓋啦！燒咗妳就要準備定錢買過啲零件呀！點鬼知佢就話，買都係我啲妹比之嗎，係佢地用嘅！我即刻同佢講，係妳自己要閂蓋，依家燒咗妳要妳啲妹比錢整？！.....
我以後都唔會再幫佢整電腦o架啦！可以大鬧一場，日後又唔使再受佢啲氣，都算得上件開心事！
Sherman Smile 2009-08-23 12:49
要知道誰是好朋友，就只有在利益關頭上才看得清楚。
所謂「四海之內皆兄弟」、「遠親不如近鄰」、「兩臂插刀」等等，在現今社會的意識及形態，真的有所保留呢！
有云「夫妻本是同林鳥，大難臨頭各自飛」，更何況只是朋友呢！
所以，「好」朋友是用時間及經歷及考驗才可以判斷出來的。
朋友，要小心謹慎地帶眼識人呵！