興趣不再來

o里個電腦job，做o左兩個多月，興趣已經全失，之後o既日子係痛苦o既。唉——雖然已經終點在望，但面前重有一個又一個o既難關要跨過去，又面臨著體力不支，前路又茫茫，意致力都已經變得相當薄弱了，之後o既o里段日子相信一定非常——難過o羅……

一場改時易代，人同電腦o既戰爭，o係o里個世界o既某一個角落拉開o左序幕。腥風血雨o既感覺亦都越來越濃烈，但感受到o里個末日o既來臨，就似乎只有這位只得25歲o既年輕人類戰士，英勇o既年輕戰士知道o里一場等待多時o既戰鬥係命中注定o既，係無可避免，勢在必行。佢趕快打開衣櫃，換上戰鬥o既裝束，準備同電腦決一死戰。雖然戰士要背負著孤獨o既身影，孤軍對抗強大o既電腦軍團，之不過戰士作出o左一個大家所意想不到o既策略，就係採取主動！戰士飛身走到電腦軍團o既陣前，擺出戰勢，馬上就向電腦發動第一輪o既攻擊……

已經經過o左兩個多月日夜不停激烈o既血腥戰鬥。年輕o既戰士o係缺乏對大型戰鬥o既經驗，同只得自己一個人，o係戰場上孤軍獨力作戰，o係完全冇支援o既不利形勢之下，不斷嘗到失敗o既滋味。但係o里位小戰士為o左人類o既將來，從未有半點放棄o既念頭，一直堅持信念，累敗累戰。就係o係o里場戰爭過o左個多月o既時候，我地o既小戰士開始懂得掌握戰鬥o既節奏，初嘗勝利o既滋味：佢首先控制o左電腦o既網絡，跟著再佔領各地電腦o既終端機，剩下o既就只有入侵電腦系統o里個艱巨o既任務，就可以獲得o里次人同電腦爭奪未來控制權o既戰爭o既勝利。就o係o里一切都來得非常順利之際，電腦發動o左一次徹底扭轉整個形勢o既反擊。o里次，電腦向我地o既小戰士發動o既係心理戰。o里個時候o既小戰士，經過兩個多月o既孤軍作戰，心理質素可以話已經跌到落谷底，o係o里個時候受到電腦運用心理戰來攻擊，可以話簡直就係不堪一擊。小戰士經過o里兩個多月，日以繼夜o既戰鬥，已經身心驅疲，再望著眼前自己獨力戰鬥所得到o既成果，就好似神績一樣，已經感到非常滿足，而且對自己o既孤軍作戰，認為係人類對佢o既離棄，對一直以挽救人類未來o既信念感到十分迷惑。對於依家失去o左方向同戰意o既小戰士，已經係無心戀戰啦。唉——佢抬高頭，無奈咁深深嘆o左一口氣，望著出現o係頭上一個又一個o既星球，佢依家剩係想盡快了結o左o里一場冇意義o既戰鬥，離開o里個已經厭倦o既地方。但係，已經厭倦o左戰鬥o既小戰士又點能完成剩下來，入侵電腦系統這個艱巨o既任務呢？電腦係唔係就咁贏得o里次o既戰爭呢？人類o既未來又會係點呢？

睇來真係禍不單行，壞開有條路。我地o既小戰士不單處於下峰，重病埋添，睇怕今次就真係想贏都幾難啦！o里一場病，足足長達十多日，o里一病令到已經無心戀戰o既佢，更加提不起勁來，曾經多次念住去攻打電腦o既電腦系統，但就硬係提不起勁來。電腦知道形勢對自己相當有利，見機不可失，就對戰士送上精彩o既電影、佢想要o左好久o既軟件、一玩上引o既遊戲，念住將我地o既戰士徹底俘虜。小戰士竟然欣然接受，就沉溺o係電腦所創造出來o既世界裡面。表面上，事情o既一切都好似掌握o係電腦o既鼓掌之中，但係電腦似乎太唔了解我地o既o里位戰士啦！我地o既小戰士，o係七種人格中，佢係屬於自我反省型。遇到如此o既逆景，佢當然會使出佢o既看家本領出來啦！首先，佢感受到自己o既身體狀況已經比當初差o左好多好多了。第二，時間比預計o既長o左好多，令到其它本應要做o既也都不能如期開始，趕住完工o既壓力每日驅增。第三，對這份工作o既愉快度，下降到已係負數了，之後將會工作得很痛苦。第四，已由最初想做，變為依家o既要做，動力大不如前了。佢終於總結出自己所要面對同解決o既健康、壓力、不愉快、欠缺動力o既不利因素。o里個就係電腦o既攻勢。戰士對於解決問題一向都係有一手o架啦，對策好快就想o左出來：定立時間表，預計每個部份o既所需時間，每日都完成一定份量o既時間工作目標。這樣就可有足夠時間去休息，健康應可稍稍回服，按計劃去完成，壓力應該可以減少。再者，就係改變一下工作o既地方，由之前適合想做o既地方，轉為適合要做o既。愉快度就一時三刻改不了過來o架啦，就為有一個字：忍啦！策略定好！依家就睇下電腦點頂！