11月的小驚喜

呢個星期三開始放一星期準備黎梗嘅考試!唔知點解你呢2日俾我覺得你好miss我!今朝收到你的sms話「我好掛住你!點解我成日咁想你呢?應該是我太愛你吧!」睇完勁sweet啦，就即刻覆你「恭喜你得獎呀!你早前參加最愛老婆選舉，你得到冠軍!會有豐富獎品!詳情請致電6XXX XXXX(我電話號碼)與專人聯絡!」呢d咁搞笑嘅sms,你睇完之後當然喺度笑啦!

下晝我已經諗買咩做禮物好呢?上次頒最佳老公獎俾你時已經買咗d chocolates, candies!冇理由重覆嘛!就諗到去東海堂買2個卡通蛋糕你俾你!之前出咗幾款，有青蛙，白兔，豬仔!但今日去又冇wor..最後去咗美心買咗4件我好鍾意食嘅西餅俾你!分別係鮮果tart，tiramisu，mango 同mocha cakes!之後返到屋企又即刻寫張卡俾你!

到你放工打黎，我就即刻拎埋d cakes同埋張卡去車站等你啦!你落車就即刻見到我，我就第一句問你:「你係咪袁XX先生?」之後確認你身份就拎埋支筆出黎叫你簽收D禮物!見你笑得好開心呀!你話好surprise!不過你第一眼見到我時，你話覺得心痛!因為要我等，同埋出面又涷,驚我有事!之後就即刻拆埋張卡睇啦!我同你講我今次冇時間整cake呀，你話唔緊要啦，你已經好開心!我仲叫你要食晒d cakes tim呀!

你不停話好surprise,我完全feel到..因為你不停攬住我同錫我!臨走前仲喺我耳邊細聲講:「多謝老婆!」都係嗰句，你開心就得啦!

不過唔記得影d cakes相，醒起時問你，你已經食咗一件啦!不過我好開心呀!頭先你落到黎，話我聽又食多咗一件啦!最緊要係你開心呀!