阿貓地攤 - 新架部

3/10/07      星期三

自從阿貓地攤搬咗，我地阿嬌都仲未搵到個 "新鬥"。今日阿嬌特登打去問，終於俾我地踩度場。

一黎度，我同阿嬌異口同聲話 "都係呢度D貓prof好多~"。如果大家有睇我前幾篇blog，之前我同阿嬌去左太子一間貓cafe，嗰度d貓整係識訓同 "呢埋"，唔特登搵d貓貓都唔覺佢地係度。呢度就唔同，d貓全部好精靈鬼馬，姿勢多多，仲好social周圍 "陪坐" ~~~~ 不過新呢個場就比以前個場細咗好多，好在貓貓都仲好多隻。

隨手影都影到小貓3、4隻，仲要乜姿勢有乜姿勢tim~~~~~~

好攪笑，呢隻餵食貓襯佢個主人行開咗，竟然偷食喎，功力就差啲.....俾我地影度佢罪證~~~~!!!!

呢隻係貓仔黎架~ 佢好似有過度活躍症咁，係咁 "wear" 阿嬌對鞋條鞋帶，彈嚟彈去自己同自己玩得不知幾開心~

唔知點解，嬌係特別受小動物 or 小朋友歡迎。佢一坐低啲貓貓就好親近佢，睇吓呢隻......直頭做埋阿嬌枕頭，再用條貓尾巴 "橋" 住阿嬌俾佢當頸巾tim~

你話我唔抵得佢都係咁話，你埃住我我埃住你.....懶friend咁.............哼!!

阿嬌幫佢 "瑪沙廚"，睇佢個樣......梳乎得佢丫~~~~~

嚟個close up先~~ 近鏡睇都幾靚仔

我就無阿嬌咁好命，行到去邊啲貓就即刻閃開，次次中喎仲要，係咁俾阿嬌笑  唯有搵隻瞓著咗既嚟影，貪佢唔識郁~~