香港始終有你

香港回歸10週年, 雖然都過左半個月, 但仍然想以此為我第一篇blog的內容。

第一次自己寫blog, 第一次踩紅館台, 第一次感受到回歸的氣氛......第一次永遠係特別值得紀念的。

以我們這一代(年青新世代~~), 少不免對回歸一事處之泰然, 正確啲黎講應該係事不關己, 己不勞心。適逢今年係回歸10週年, 香港政府發大黎攪, 有幸我地一班吔吔嗚的青年有份參與6月30日的龍聲鼓舞青年大匯演, 仲全個紅館一齊打鼓破健力士紀錄, 攪到咁盛, 處之泰然極, 都會對今次既表演有難忘既感覺。

每個星期日既排舞, 每個星期都改位既心型pattern, fing到頭都luck既tango step, 開始慣左每個星期搭地鐵嗰陣順便喺美心買個大包, 由原本唔識唱到識背既"一時無兩"...等等; 呢啲一切, 一開始係有啲令人疲累, 但到演出嗰下, 竟然有d心跳同緊張。或者老套講句, 每一個過程都係一種經歷, 種種經歷集合埋, 就係一頁頁精采既人生。

香港回歸10年, 都係香港人一日一日打生打死咁打返黎的。希望之後都會繼續有第2、第3個10年回歸慶典。

當日小花絮:

呢幅相, 有幸由阿伍蛇親自渣機拍攝, 真係天大面子。佢話自己影得好好喎, 因為影得我半塊面, 靚過出晒成個人喎.......唉........我就覺得阿man幫人化妝個陣好鬼型~當然啦, 專業架嘛~~

呢幅由某某報刊影既相, 係anna send俾我既....都幾佩服anna, 咁細個頭佢都認到我~ (咁啱又係影得我半邊面...)

呢張係heidi偷雞幫我影的, 企喺紅館個台度, 其實無咩特別感覺; 但....呢d機會, 無幾何嘛~~