搬

公司有大變動！

大老細醞釀多年既搬遷大行動終於進入倒數階段，結果當然有開心，又有唔開心啦～

開心既係，老細應我既要求搬我出去坐，唔駛一個人坐房咁悶，有時候又熱到死左，好想搵人講下野呀～

唔開心既係，寫字樓地方雖然大左一倍，但因為之前實驗室同電鍍房間左好大間房，攪到而家間隔唔實用，這刻真係好浪費地方，仲有今次唔駛坐房，但係結果都係得我一個人坐＝．＝”原因係我坐既地方就係老細門外，肉眼可以看到人的數目係”零”，即係同其他人完全係零接觸，好似俾人放逐一樣，唉！未來真是有點苦。

到底搬好？還是不搬好？

最令人不解的是，由於可以坐的地方有限，本來老細都唔俾房多咀經理坐，但係條友又強烈要求，我覺得係近乎小朋友幼稚既行為，仲細咩！其實條友要房既目的，都係有個安樂窩可以靜靜地訓覺，今次如願啦！間房既位置根本唔會有人行過，基本上係唔講都唔知果到有間房囉，老細又居然讓步間房中房俾佢，無奈！

以全公司用地比率來計算，總計面積大致可一分為二，多咀經理同其頭馬（化驗部）佔用二份一，我地８人用另一半，再除開平均計算．．．．．實在太不公平

亞頭為此感到煩惱，因為可以用既地方太細，我地有太多濕碎野，都唔知點算，還有一件大事！就係第時食飯既地方可能無電視睇呀！！

不過，一切還要看２個月後才知曉。